پاۆلودار وبلىسى اكىمىنىڭ باسپا ءسوز قىزمەتىنىڭ مالىمەتىنشە، «مايقايىڭ-التىن» اق تاۋ-كەن اۋماعىندا ىزدەستىرۋ جۇمىستارى جالعاسۋدا. اۆتوبۋستىڭ بولجامدى ورنالاسقان جەرىنە ارنايى تەحنيكانىڭ كىرۋى ءۇشىن وتكەلدى تەرەڭدەتۋ جۇمىستارى جۇرگىزىلۋدە. وسى ۋاقىتقا دەيىن بارلىعى 200 مىڭ توننادان استام توپىراق پەن تاۋ جىنىستارى شىعارىلدى، almaty-akshamy.kz Pavlodarnews.kz. سىلتەمە جاساپ.
– ساعات 14.45-تە «مايقايىڭ-التىن» اق اۋماعىنداعى وپىرىلعان شۇڭقىردىڭ تۇبىنە شاعىن كولەمدى ەكسكاۆاتور ءتۇسىرىلدى. جۇمىستار اسقان ساقتىقپەن جانە شۇڭقىردىڭ ءبۇيىر قابىرعالارىنىڭ قۇلاۋ ءقاۋپىنىڭ ساقتالۋىنا بايلانىستى بارلىق قاۋىپسىزدىك شارالارىن ساقتاي وتىرىپ جۇرگىزىلۋدە، – دەدى وبلىس اكىمدىگىندە.
جۇمىستاردى جۇرگىزۋ كەزىندە جۇمىس قۇجاتتاتارى جانە جول-ساپار جۋرنالى بار قۇتقارۋشىلاردىڭ سومكەسى، سونداي-اق، مەملەكەتتىك تىركەۋ ءنومىرى بار اۆتوبۋستىڭ شاناق بولشەگى تابىلدى.
اۆتوبۋستىڭ بولجامدى ورنالاسقان جەرىنە دەيىنگى توپىراقتى قازىپ الۋ مىندەتى قويىلعان شاعىن ەكسكاۆاتوردىڭ جۇمىسى اياقتالعاننان كەيىن ماماندار ونى جوعارى كوتەرۋ جۇمىستارىن باستايدى.
ىزدەستىرۋ جۇمىستارىنا بارلىعى 141 ادام، 50 تەحنيكا، 1 كينولوگيالىق ەسەپ جانە 2 درون جۇمىلدىرىلعان.