ىندەت جۇقتىرعاندار سانى وسكەن سايىن ۆاكسينا جەتپەي جاتىر.
اقش-تىڭ وسىمەن ءۇشىنشى شتاتىندا مايمىل شەشەگىنىڭ ورشۋىنە بايلانىستى توتەنشە جاعداي ەنگىزىلدى، دەپ حابارلايدى Almaty-akshamy.kz cnbc.com-عا سىلتەمە جاساپ.
كاليفورنيا گۋبەرناتورى گيەۆين نيۋسومنىڭ ايتۋىنشا، توتەنشە جاعداي جاريالاۋ مەملەكەتكە ۆاكسينالاۋ جاعىنان كومەكتەسەدى. كاليفورنيا شۇعىل مەديسينالىق كومەك قىزمەتكەرلەرىن ۆاكسينالاۋعا كومەكتەسۋگە جۇمىلدىرادى. نيۋسوم مىرزا تەستىلەۋ، كونتاكتىلەردى ىزدەۋ جانە حالىقتى اقپاراتتاندىرۋ ارقىلى ۆيرۋستىڭ تارالۋىن باسەڭدەتۋ ءۇشىن بار كۇشىن سالىپ جاتقانىن ايتتى.
اۋرۋلاردى باقىلاۋ جانە الدىن الۋ ورتالىقتارىنىڭ مالىمەتتەرى بويىنشا، اقش-تىڭ 48 شتاتىندا 6000-عا جۋىق مايمىل شەشەك اۋرۋى تىركەلگەن. دەنساۋلىق ساقتاۋ ورگاندارى مامىر ايىندا العاشقى جاعداي راستالعاننان بەرى اۋرۋ تەز تارالعانىن ايتادى.
تىركەلگەن شەشەك اۋرۋىنىڭ 47%-ى كاليفورنيا، يللينويس جانە نيۋ-يورك سىندى ەلدىڭ ءىرى ءۇش قالاسىندا انىقتالعان. نيۋ-يورك – اقش-تاعى ىندەتتىڭ ەپيسەنترى بولىپ سانالادى.
مايمىل شەشەگى سيرەك جاعدايدا ولىمگە اكەلەدى جانە وسى ۋاقىتقا دەيىن اقش-تا بىردە-بىر ءولىم تىركەلگەن جوق. عالىمدار مەن دەنساۋلىق ساقتاۋ سالاسىنىڭ وكىلدەرى ەگەر اۋرۋ وقشاۋلانباسا، مايمىل شەشەگى اقش-تا ۇنەمى تارالۋى مۇمكىن دەپ الاڭدايدى.
وتكەن ايدا دۇنيەجۇزىلىك دەنساۋلىق ساقتاۋ ۇيىمى مايمىل شەشەگىن جاھاندىق توتەنشە جاعداي دەپ جاريالادى. ددسۇ مالىمەتتەرى بويىنشا، كەم دەگەندە 78 ەلدە 19 مىڭنان استام مايمىل شەشەگى اۋرۋى تىركەلگەن. ۆيرۋس سولتۇستىك امەريكا مەن ەۋروپادا كەڭىنەن تارالاتىندىقتان، ىندەت ەرەكشە ەمەس. بۇرىن مايمىل شەشەگى باتىس جانە ورتالىق افريكادا تومەن دەڭگەيدە تارالعان، وندا ۆيرۋس كەمىرگىشتەر مەن باسقا دا جانۋارلار ارقىلى تاسىمالدانادى.
مايمىل شەشەگى نەگىزىنەن جىنىستىق قاتىناس كەزىندە تەرىمەن جۇعادى. قوعامدىق دەنساۋلىق ساقتاۋ وكىلدەرىنىڭ ايتۋىنشا، قازىرگى ۋاقىتتا گەيلەر مەن بيسەكسۋالداردىڭ جۇقتىرۋ ءقاۋپى جوعارى. CDC مالىمەتتەرى بويىنشا، پاسيەنتتەردىڭ شامامەن 98%-ى ەر ادامدارمەن جىنىستىق قاتىناسقا تۇسكەن ەر ادامدار ەكەنى انىقتالدى.
دەگەنمەن دەنساۋلىق ساقتاۋ قىزمەتكەرلەرى وسى اۋرۋعا ءتان بورتپەسى بار ادامنان نەمەسە سۇلگى سەكىلدى لاستانعان ماتەريالدار ارقىلى اۋىرۋ جۇقتىرۋى مۇمكىن ەكەنىن بىرنەشە رەت اتاپ ءوتتى. وتكەن ايدا CDC اقش-تا بالالارعا ۆيرۋس جۇقتىرۋدىڭ العاشقى ەكى جاعدايىن راستادى، ولارعا وتباسىلىق زاتتار ارقىلى بەرىلۋى مۇمكىن.
سونىمەن بىرگە ادام اۋزىنان شىققان اۋا تۇيىرشىكتەرىمەن دە جۇعۋى مۇمكىن، ءبىراق بۇل ۇزاق ۋاقىت بەتپە-بەت كەلگەن جاعدايدا بولۋى مۇمكىن. دەنساۋلىق ساقتاۋ وكىلدەرىنىڭ ايتۋىنشا، ينفەكسيانىڭ نەگىزگى تارالۋ جولى فيزيكالىق بايلانىس بولىپ تابىلادى.