بارلىق ۆيدەو تەكسەرىلەدى
20 شىلدەدەن بەرى 20 مىڭعا جۋىق تەست تاپسىرۋشى كەشەندى تەستىلەۋدەن (كت) ءوتتى. ءبىر اپتا ىشىندە ەرەجە بۇزعانى ءۇشىن 153 تەست ناتيجەسى جويىلدى. بۇل تۋرالى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
كەشەندى تەستىلەۋ – اقپاراتتىق-كوممۋنيكاسيالىق تەحنولوگيالاردى پايدالانا وتىرىپ، بىرنەشە وقۋ پاندەرى بويىنشا ءبىر ۋاقىتتا وتكىزىلەتىن ەمتيحان ءتۇرى. كت جوعارى وقۋ ورىندارىنىڭ ءبىلىم بەرۋ باعدارلامالارىن مەڭگەرگەن تۇلعالار ءۇشىن جۇرگىزىلەدى.
تەستىلەۋ باستالعان كەزدە تىيىم سالىنعان زاتتاردى الىپ جۇرۋگە ارەكەتتەنگەن 153 تالاپكەردىڭ 89 تەستىلەۋ ناتيجەسى جويىلدى. ەمتيحان كەزىندە ەرەجە بۇزعانى ءۇشىن 61 تالاپكەر، بەينەروليكتەردى قايتا تەكسەرۋ ناتيجەسىندە 3 ادام شەتتەتىلدى.
«تەستىلەۋ كەزىندە بۇل ءۇش تالاپكەر سمارتفون پايدالانىپ، تەستتى فوتوعا ءتۇسىرىپ، ەمتيحان ماتەريالدارىن باسقالارعا جىبەرگەن. تەستىلەۋشىلەردىڭ سەرتيفيكاتى جويىلدى، تەست سۇراقتارى بازادان الىنىپ تاستالدى. بارلىق ۆيدەو تەكسەرىلەدى»،-ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
FACE-ID جۇيەسىنىڭ ارقاسىندا تەستىلەۋگە كىرە بەرىستە باسقا ادامدار ءۇشىن تەست تاپسىرماق بولعان ءتورت تۇلعا انىقتالدى. ولار تۋرالى اقپارات ۋاكىلەتتى ورگانعا جولداندى. ايتپاقشى، بىلتىر تەستىلەۋدەن وتەتىن ادام ورنىنا ءبىر عانا ادام كىرگەن ەدى.
«كەشەندى تەستىلەۋگە تىركەلۋ كەزىندە تەستىلەۋشىلەردەن ەرەجەلەرمەن تولىق تانىسىپ، كەلىسىمىن كورسەتۋ ۇسىنىلادى. سوعان قاراماستان ولاردىڭ كەيبىرەۋلەرى ءتۇرلى قۋلىققا بارىپ، زاڭ بۇزۋشىلىقپەن سىناقتان وتۋگە تىرىسادى. سوندىقتان مەن بولاشاق ماگيسترانتتاردى ەرەجەنى بۇزباۋعا جانە اكادەميالىق ادالدىق قاعيداتتارىن ساقتاۋعا شاقىرامىن»،-دەيدى رۋسلان ەمەلبايەۆ.