مادەنيەت جانە سپورت سالاسى قىزمەتكەرلەرىنە مەملەكەتتىك ناگرادالار تابىستالدى. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
پرەزيدەنت قاسىم-جومارت توقايەۆتىڭ جارلىعىنا سايكەس Sensitive ناشار ەستيتىن بيشىلەر تەاترىنىڭ كوركەمدىك جەتەكشىسى ولگا روستوۆششيكوۆا «قۇرمەت» وردەنىمەن ماراپاتتالدى. ناگرادانى ۇلتتىق مەرەكە قارساڭىندا مادەنيەت جانە سپورت ءمينيسترى داۋرەن ابايەۆ تابىستادى.
ەستەرىڭىزگە سالا كەتەيىك، ولگا روستوۆششيكوۆانىڭ جەتەكشىلىگىمەن ەستۋ جانە سويلەۋ قابىلەتى ناشار، ەرەكشە ارتيستەر اقش-تاعى XXV دۇنيەجۇزىلىك ونەر چەمپيوناتىنىڭ گران-پريىن جەڭىپ العان ەدى. 72 ەل قاتىسقان جارىستا جەرلەستەرىمىز ۇزدىك اتاندى.
سونىمەن قاتار، دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ جەڭىل اتلەتيكا (سۋردو) بويىنشا سپورتشىسى فارحاد قىستاۋبايەۆ، دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ گرەك-ريم كۇرەسى بويىنشا باس جاتتىقتىرۋشىسى شونحۋ حايراتاان، ەركىن كۇرەستەن بەلگىلى جاتتىقتىرۋشى، ەڭبەك ارداگەرى امانجول بۇعىبايەۆ، ەڭبەك ارداگەرى ەرمەك ءجۇسىپوۆ، بەلگىلى ءمۇسىنشى، ەڭبەك ارداگەرى اسقار نارتوۆ، ەڭبەك ارداگەرى رىستى سارييەۆا جانە قازاق ۇلتتىق ونەر ۋنيۆەرسيتەتىنىڭ پروفەسسورى ايتجان توقتاعان «قۇرمەت» وردەنىمەن ماراپاتتالدى.
مەملەكەت باسشىسىنىڭ جارلىعىمەن «ەرەن ەڭبەگى ءۇشىن» مەدالىمەن باياناۋىل مەملەكەتتىك ۇلتتىق تابيعي پاركىنىڭ ەكسكۋرسيا جونىندەگى نۇسقاۋشىسى-مەملەكەتتىك ينسپەكتورى التىنبەك قۇرمانوۆ، قازاق ۇلتتىق حورەوگرافيا اكادەمياسىنىڭ پروفەسسورى گۇلنار سايتوۆا، اباي اتىنداعى تەاتر ءارتيسى ءرىسبۇبى تولەۋحانوۆا، ونەرتانۋشى شايزادا توقتابايەۆا جانە «استانا» كقك باس اتقارۋشى ديرەكتورى تاستانبەك ەسەنتايەۆ ماراپاتتالدى.
سالتاناتتى ءراسىم بارىسىندا مادەنيەت، سپورت، تۋريزم جانە ارحيۆ قىمەتكەرلەرىنە «شاپاعات» مەدالى تابىستالدى، مادەنيەت سالاسىنداعى ەرەكشە جەتىستىكتەرى مەن قازاقستان رەسپۋبليكاسىنا سىڭىرگەن ەرەكشە ەڭبەگى ءۇشىن «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى تاعايىندالدى، قازاقستان رەسپۋبليكاسىنىڭ قۇرمەت گراموتاسى جانە قازاقستان رەسپۋبليكاسى پرەزيدەنتىنىڭ العىسىمەن ماراپاتتالدى.
