پاريجدەگى لۋۆر مۇراجايىنىڭ كىتاپحاناسىندا توتەنشە جاعداي ورىن الىپ، عيماراتقا كىرگەن لاس سۋ سالدارىنان جۇزدەگەن قۇجات جارامسىز كۇيگە ءتۇستى، دەپ حابارلايدى Aqshamnews.kz.
مۇراجاي اكىمشىلىگى باسشىسىنىڭ ورىنباسارى فرەنسيس ستەينبوكتىڭ ايتۋىنشا، كارىز جۇيەسىندەگى اقاۋ مىسىر وركەنيەتىنە قاتىستى ماتەريالدار ساقتالعان ءبولىمنىڭ ءبىر بولىگىن سۋ باسۋىنا اكەلگەن.
الدىن الا دەرەكتەرگە سايكەس، 400-گە جۋىق باسىلىم زاقىمدانعان. ءقازىر ولاردى ەسەپكە الىپ، سۋدان العان سوڭ ءار بەتىنە جەكە-جەكە كەپتىرۋ جۇمىستارى جۇرگىزىلىپ جاتىر. جاۋاپتى مامانداردىڭ سوزىنشە، بۇلىنگەن ماتەريالداردىڭ بارلىعى تەك ماماندار. ەگيپەتتانۋشىلار، مۋزەي قىزمەتكەرلەرى مەن ستۋدەنتتەر عانا قولداناتىن ارنايى ادەبيەتتەر: مەرزىمدى باسىلىمدار، انىقتامالىقتار مەن ارحەولوگيالىق جۋرنالدار. ەڭ ەسكى نۇسقالارى XIX عاسىردىڭ سوڭىنا، قالعاندارى XX عاسىردىڭ باسىنا جاتادى.
سونىمەن قاتار ول عيماراتتاعى جەلدەتۋ جانە جىلىتۋ جۇيەسىندە بۇرىننان بەرى شەشىلمەگەن ماسەلەلەر بار ەكەنىن مويىندادى. سۋ كىرگەن ايماق مۋزەيدىڭ جاقىن ارادا جوندەۋدەن وتەتىن بولىگىنە جاتاتىنى دا ايتىلدى.
ەسكە سالا كەتسەك، لۋۆر 2026 جىلدىڭ سوڭىنا دەيىن 100 جاڭا بەينەباقىلاۋ كامەراسىن ورناتۋدى جوسپارلاپ وتىر. بۇل قادام سوڭعى ۇرلىق وقيعاسىنان كەيىن قابىلدانعان قاۋىپسىزدىك شارالارىنىڭ ءبىر بولىگى رەتىندە قاراستىرىلۋدا.