لۋلا دا سيلۆا برازيليا پرەزيدەنتىنىڭ سايلاۋىندا جەڭىسكە جەتتى

سايلاۋدىڭ سوڭعى كەزەڭىندە العا شىقتى. 

برازيليانىڭ بۇرىنعى پرەزيدەنتى لۋيس يناسيۋ لۋلا دا سيلۆا مەملەكەت باسشىسىنىڭ سايلاۋىندا جەڭىسكە جەتىپ، ەلدىڭ قازىرگى كوشباسشىسى دجاير بولسونارودان 1 ميلليونعا جۋىق داۋىسپەن وزىپ كەتتى. مۇنى 100% وڭدەلگەن حاتتامالاردىڭ ناتيجەلەرى دالەلدەيدى، دەپ حابارلايدى Almaty-akshamy.kz Inbusiness.kz سىلتەمە جاساپ.

جوعارى سايلاۋ سوتىنىڭ سايتىندا (وسك فۋنكسيالارىن ورىندايدى) ناقتى ۋاقىت رەجيمىندە جاڭارتىلعان مالىمەتتەردەن كورىنىپ تۇرعانداي، جۇمىسشىلار پارتياسىنىڭ كوشباسشىسىنا 60،3 ميلليوننان استام ادام (50،9%) داۋىس بەردى، ال ونىڭ باسەكەلەسى-كونسەرۆاتوردى 58،2 ميلليون سايلاۋشى (49،1%) قولدادى.

حاتتامالاردىڭ ۇشتەن ەكىسى وڭدەلگەنگە دەيىن بولسونارو كوش باستادى، دەگەنمەن لۋلا دا سيلۆا ءداستۇرلى تۇردە سوسياليستەردى قولدايتىن سولتۇستىك-شىعىس شتاتتاردا بەرىلگەن داۋىستار ارقاسىندا ءبىرشاما ىلگەرلەپ، سوڭعى كەزەڭدە العا شىقتى.

دا سيلۆا ءوزىنىڭ سايلاۋ ناۋقانىنىڭ نەگىزگى ۇرانىن "كەدەي ادامدى بيۋدجەتكە قوسۋ" دەپ اتادى. ول جىل سايىنعى جالاقىنى ينفلياسيا دەڭگەيىنەن جوعارى يندەكستەۋگە، كەدەي وتباسىلارعا تولەمدەردى كوبەيتۋگە جانە تابىسى تومەن حالىقتىڭ پايداسىنا سالىقتاردى قايتا قاراۋعا، سونداي-اق جۇمىسپەن قامتۋدى ىنتالاندىرۋعا ۋادە بەردى.