جەڭىل رەلستى ترامۆاي (LRT) جەلىسى جوباسىن جۇزەگە اسىرۋ شەشىمى كەلەسى جىلى قابىلدانادى. بۇل تۋرالى الماتى اكىمى ەربولات دوسايەۆ ءمالىم ەتتى، دەپ حابارلايدى اlmaty-akshamy.kz.
اۋەزوۆ اۋدانىنىڭ تۇرعىنى اكىممەن كەزدەسۋدە الماتىدا LRT جەلىلەرىن سالۋ ماسەلەسى كوپتەن بەرى ايتىلىپ جۇرگەنىن جەتكىزدى.
«2010 جىلدان بەرى بۇل ماسەلە شەشىمىن تاپپاي كەلەدى. مەن ونىڭ قانشالىقتى وزەكتى ەكەنىن بىلگىم كەلەدى. تولە بي كوشەسىنىڭ بويىنداعى ترامۆاي رەلستەرى ءالى تولىق الىنعان جوق»، - دەپ سۇرادى تۇرعىن الماتى اكىمىنەن.
ەربولات دوسايەۆ تولە بي كوشەسى بويىنداعى LRT جوباسى قالانى دامىتۋ جوسپارىنا ەنگىزىلگەنىن اتاپ ءوتتى.
«جاقىندا مەملەكەت باسشىسى پاۆلوداردا الماتى ترامۆايىنا قاتىستى ويىن ءبىلدىردى. ءبىز قالانى دامىتۋ جوسپارىنا ەنگىزگەن جاڭا جوبا – بۇل تومەن ەدەندى ترامۆاي ءتيپتى LRT. كەلەسى جىلدىڭ كوكتەمىندە جوبانىڭ قۇنىنا قاتىستى تۇپكىلىكتى شەشىم قابىلدايمىز. تولە بي كوشەسىندە LRT بولادى. "ساياحات" اۆتوۆوكزالىنان جەلىلەردى قوسىپ، اقسايعا دەيىن سوزۋ قالا ءۇشىن وتە ماڭىزدى. ءبىز جەردى ساتىپ الۋ جۇمىستارىن جالعاستىرامىز. كەلەسى جىلدىڭ كوكتەمىندە جوبانىڭ قالاي جۇزەگە اساتىنىن ايتامىن»، - دەدى ەربولات دوسايەۆ.