قازاقستاندىق بوكسشىلار ليۆەرپۋلدە (انگليا) ءوتىپ جاتقان الەم چەمپيوناتىندا سەنىمدى ونەر كورسەتىپ، شيرەك فينالعا جولداما الدى، دەپ حابارلايدى Aqshamnews.kz ءتىلشىسى.
سانجار تاشكەنبايدىڭ جەڭىسى
50 كەلىگە دەيىنگى سالماقتا سىنعا تۇسكەن سانجار تاشكەنباي 1/8 فينالدا يوردانيا وكىلى حۋتحايفا ەشيشەمەن قولعاپ ءتۇيىستىردى. قيىن وتكەن جەكپە-جەكتە ول تورەشىلەردىڭ بولەك شەشىمىمەن – 3:2 ەسەبىمەن جەڭىسكە جەتتى.
شيرەك فينالدا تاشكەنباي ءۇندىستان بوكسشىسى جادۋمان ماندەنگباممەن كەزدەسەدى.
ايتا كەتەيىك، ول – 2023 جىلعى الەم چەمپيونى جانە 2022 جىلعى ازيا بىرىنشىلىگىنىڭ جەڭىمپازى.
ەرتۋعان زەينۋللينوۆ سەنىمدى ونەر كورسەتتى
65 كەلىگە دەيىنگى سالماقتا ەرتۋعان زەينۋللينوۆ انگليا وكىلى پاتريس مۋگالزامەن جۇدىرىقتاستى. العاشقى راۋند رينگ يەسىنىڭ پايداسىنا شەشىلگەنىمەن (4:1)، ەكىنشى راۋندتا باسىمدىق قازاقستاندىق بوكسشىعا ءوتتى (4:1).
شەشۋشى ءۇشىنشى راۋندتا زەينۋللينوۆ ايقىن باسىمدىق تانىتىپ، 5:0 ەسەبىمەن العا شىقتى. ناتيجەسىندە ول تورەشىلەردىڭ ءبىر اۋىزدان قابىلداعان شەشىمىمەن جەڭىسكە جەتتى – 4:0.
ەرتۋعان ەندى فينليانديالىق يسمايل ۋمار مەن وزبەكستاندىق اسادحۋدجا مۋيدينحۋجايەۆ اراسىنداعى جەكپە-جەك جەڭىمپازىمەن كەزدەسەدى.
نۇربەك ورالباي دا شيرەك فينالدا
80 كەلىگە دەيىنگى سالماقتا لوندوندا وتكەن وليمپيادانىڭ كۇمىس جۇلدەگەرى، 2023 جىلعى الەم چەمپيونى نۇربەك ورالباي دا 1/8 فينالدا جەڭىسكە جەتتى. ول قىتايدان كەلگەن ەتنيكالىق قازاق توقتاربەك تاڭاتحاندى ءبىر اۋىزدان تورەشىلەر شەشىمىمەن تىزە بۇكتىردى.
ءبىرىنشى جانە ەكىنشى راۋندتا ورالباي ايقىن باسىم بولدى (5:0)، ال سوڭعى راۋندتا قىتايلىق بوكسشىنىڭ پايداسىنا ءبىر ۇپاي تىركەلدى (4:1).
10 قىركۇيەكتە ول جاستار اراسىنداعى الەم چەمپيونى، وزبەك بوكسشىسى دجاۆوحير ۋمماتالييەۆپەن كەزدەسەدى.
نازىم قىزايبايدىڭ ايقىن جەڭىسى
ايەلدەر اراسىندا قازاقستان اتىنان سىنعا تۇسكەن 2024 جىلعى وليمپيادانىڭ قولا جۇلدەگەرى، ءۇش دۇركىن الەم چەمپيونى (2014، 2016، 2025) نازىم قىزايباي دا قارسىلاسىن ويسىراتا جەڭدى.
48 كەلىگە دەيىنگى سالماقتا ول ۆەنگريا وكىلى ليلا زەلەسكيدى تەحنيكالىق نوكاۋتپەن ۇتتى. ەكىنشى راۋندتا قارسىلاسى نوكداۋنعا تۇسسە، ءۇشىنشى راۋندتا ەكى رەت ەسەپ اشىلدى. وسىدان كەيىن تورەشى جەكپە-جەكتى توقتاتتى.
شيرەك فينالدا قىزايباي ۋكراينا بوكسشىسى اننا وحوتامەن نەمەسە سينگاپۋر وكىلى مانيشا ماتيالاعانمەن كۇش سىناسادى.