ءىس-شارا اياسىندا اباي ولەڭدەرىنە، ونىڭ ىشىندە ليتۆا تىلىنە اۋدارىلعان مۋزىكالىق شىعارمالار ورىندالدى
ا.ميسكيەۆيچ اتىنداعى ۆيلنيۋس وبلىستىق كىتاپحاناسىندا مۇحتار اۋەزوۆتىڭ 125 جىلدىعىنا ارنالعان سالتاناتتى كەش جانە ليتۆا تىلىندە قايتا باسىلعان «اباي جولى» رومان-ەپوپەياسىنىڭ پرەزەنتاسياسى ءوتتى. Almaty-akshamy.kz بۇل تۋرالى ق ر سىرتقى ىستەر مينيسترلىگىنە سىلتەمە جاساپ حابارلايدى.
قازاقستاندىق ديپلوماتتار م.اۋەزوۆتىڭ شىعارماشىلىعى، اقىن-ويشىل اباي قۇنانبايەۆتىڭ ءومىرى تۋرالى باياندايتىن الەمدىك ادەبيەت جاۋھارىنىڭ دايىندالۋ تاريحى تۋرالى ايتىپ بەردى.
ءىس-شاراعا ونلاين رەجيمدە قوسىلعان م.اۋەزوۆتىڭ نەمەرەسى، ارابتانۋشى زيفا-الۋا اۋەزوۆا ليتۆالىقتاردىڭ وسكەلەڭ ۇرپاعى قازاقتىڭ ۇلى جازۋشىسىنىڭ مۇراسىمەن ەندى انا تىلىندە تانىسا الاتىنىن، بۇل مۇمكىندىك ءۇشىن ق ر ەلشىلىگى مەن «جارا» باسپاسىنا العىسىن ءبىلدىردى.
ا.ميسكيەۆيچ اتىنداعى ۆيلنيۋس وبلىستىق كىتاپحاناسىنىڭ ديرەكتورى ەميليا بانيونيتە «اباي جولى» رومانىنىڭ جاڭا باسىلىمى 2020 جىلى ەل استاناسىنداعى كىتاپحانادا اشىلعان اباي قۇنانباي ۇلى اتىنداعى وقۋ زالىنىڭ ءىنجۋ-مارجانىنا اينالاتىنىن اتاپ ءوتتى.
ءىس-شارا اياسىندا اباي ولەڭدەرىنە، ونىڭ ىشىندە ليتۆا تىلىنە اۋدارىلعان مۋزىكالىق شىعارمالار ورىندالدى.
سونداي-اق ەلشىلىك ديپلوماتتارى قوناقتارعا بيىل تەك قازاقستاندا عانا ەمەس، بۇكىل الەمدە مەرەيتويلارى تويلانىپ جاتقان قازاق حالقىنىڭ ەكى كورنەكتى وكىلى – احمەت بايتۇرسىنوۆ پەن روزا باعلانوۆانىڭ ءومىرى مەن شىعارماشىلىعى تۋرالى ايتىپ بەردى.
كەش سوڭىندا قوناقتار قازاق ادەبيەتى، مادەنيەتى جانە حالقىمىزدىڭ تاريحى تۋرالى كوبىرەك بىلۋگە مۇمكىندىك بەرگەنى ءۇشىن العىس ءبىلدىردى.
م.اۋەزوۆتىڭ ليتۆا تىلىندەگى «اباي جولى» قايتا باسىلىپ شىققان رومان-ەپوپەياسىنىڭ جانە ءانۋار ءالىمجانوۆتىڭ «ۇستازدىڭ ورالۋى» پوۆەسىنىڭ تۇڭعىش تۇساۋكەسەرى 2020 جىلدىڭ 14 جەلتوقسانىندا پاندەميا جاعدايىندا ونلاين رەجيمدە ءوتتى. جارىق كورگەن كىتاپتار ليتۆانىڭ بارلىق وبلىستىق جانە باسقا دا ءىرى كىتاپحانالارىنا سىيعا تارتىلاتىن بولادى.