مەملەكەت باسشىسى 2022 جىلعى 1 قىركۇيەكتەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» تاقىرىبىنداعى جولداۋىندا ەلىمىزدىڭ ەكونوميكالىق دامۋى، مەملەكەتتىك باسقارۋ ءىسىن جاڭعىرتۋ، ونەركاسىپتى كۇشەيتۋ، ءبىلىم مەن عىلىم، مادەنيەت پەن بيزنەستى قولداۋ ماسەلەلەرىنە ايقىن توقتالدى.
پرەزيدەنت وسى جولداۋىندا «حالىق ۇنىنە قۇلاق اساتىن مەملەكەت» قاعيداسىن ۇستانا وتىرىپ، ەل بىرلىگى مەن تۇتاستىعىن، ەل ەگەمەندىگىن، حالقىمىزدىڭ تاتۋلىعى مەن تۇراقتىلىعىن ساقتاۋعا شاقىردى.
ماڭىزدى ماسەلە – ادام الەۋەتىن دامىتۋ، سۇرانىسقا يە مامانداردىڭ بىلىكتىلىگىن ارتتىرۋ، قازاقستاندا عانا ەمەس، وزگە ەلدەردە دە باسەكەگە قابىلەتتى مامانداردى دايىنداۋ باعىتىندا يدەولوگيالىق جۇمىستار جۇرگىزۋ جونىندە ايتتى. ءبىز مادەنيەت سالاسىنىڭ وكىلدەرى رەتىندە وسى باعىتتا جاس، كرەاتيۆتى، ەڭبەكقور مامانداردى تارتۋ بويىنشا جۇمىستار جۇرگىزەمىز. دامىعان ەلدەردىڭ تاجىريبەسىنە سۇيەنسەك، ولار مىقتى دەگەن جاس عالىمداردى، ءبىلىمدى مامانداردى ءوز سالاسىنا تارتۋمەن اينالىسقان. شىنىمەن دە، مەملەكەت ءۇشىن قاجەت، وراسان زور پايداسى بار يگى ءىس.
پرەزيدەنت تاعى ءبىر ماڭىزدى باستاما – سانالى، ءبىلىمدى، اقىل-پاراساتى مول جانە عىلىمي-مادەني ءورىسى كەڭ ۇرپاق تاربيەلەۋ اسا قاجەت ەكەندىگىن باسا ايتتى. ءبىز وسى ورايدا جولداۋعا قولداۋ ءبىلدىرۋ ءۇشىن، ونداعى ماقساتتاردى جۇزەگە اسىرۋ باعىتىندا مادەنيەتى بەكەم، رۋحانياتقا جاقىن ۇرپاق تاربيەلەۋ ىسىنە اتسالىسىپ كەلەمىز. وسى ماقساتتاعى جۇمىستاردى الداعى ۋاقىتتا دا قارقىندى تۇردە جۇزەگە اسىرۋىمىز قاجەت. مۋزەي جاستاردى، وسكەلەڭ ۇرپاقتى تاربيەلەۋ نەگىزى رەتىندە ۇلكەن ءرول اتقارىپ كەلەدى. جاس ۇرپاقتى ادەپتى دە سانالى ەتىپ تاربيەلەۋ ءۇشىن ەڭ الدىمەن ۇلتتىق ءداستۇرىمىزدى، ادەت-عۇرىپتارىمىزدى، ءدىنىمىزدى، اتا-بابالاردان قالعان ناسيحات-مۇرالاردى جاستاردىڭ ساناسىنا سىڭىرە ءبىلۋىمىز كەرەك. مۋزەيگە كەلگەن جاستار مۋزەيدەن وزدەرىنە قاجەتتى اقپارات الىپ، بىلىمدەرىن تولىقتىرادى، رۋحاني قۋات الادى. دەمەك، مۋزەي – وسكەلەڭ ۇرپاقتىڭ وتانسۇيگىشتىك سەزىمىن ارتتىرىپ، ەلىن ءسۇيۋگە تاربيەلەيتىن بىردەن-بىر قۇرال ەكەنى ءسوزسىز.
20 قاراشا كۇنى كەزەكتەن تىس پرەزيدەنت سايلاۋى وتەدى. بۇل سايلاۋدان جاستار دا تىس قالماسا ەكەن دەيمىز. ولاردىڭ دا داۋىسى ءبىز ءۇشىن ماڭىزدى. جولداۋدا ايتىلعان ماقسات-مىندەتتەردىڭ دەنىن دە ءبىلىمدى، جىگەرلى، ساناسى سەرگەك جاستار قولعا الادى دەپ سەنەمىز.