ەركىن كۇرەستەن ازيا چەمپيوناتىندا 23 جاسقا دەيىنگىلەر اراسىندا لاۋرا الماعانبەتوۆا توپ جاردى، دەپ حابارلايدى اlmaty-akshamy.kz.
قازاقستان كۇرەس فەدەراسياسى تاراتقان مالىمەتكە سەنسەك، United World Wrestling ۇيىمى لاۋرا الماعانبەتوۆاعا ارنايى حات جولداعان.
وندا بىشكەكتە وتكەن ازيا چەمپيوناتىنىڭ فينالىندا لاۋرامەن بەلدەسىپ، التىن مەدال جەڭىپ العان ءۇندىستاندىق سپورتشىنىڭ دوپينگكە قارسى تالاپتاردى بۇزعانى جازىلعان.
وسىلايشا چەمپيوناتتىڭ 57 كەلىگە دەيىنگى سالماقتاعى التىن مەدالى قازاقستاندىق سپورتشىعا بەرىلەدى.
لاۋرا جاقسىلىق قىزى قوستاناي وبلىسىندا تۋعان. 2004 جىلدان باستاپ سارىكول اۋداندىق بالالار جانە جاسوسپىرىمدەر سپورت مەكتەبىندە «ەركىن جانە ايەلدەر كۇرەسى» بولىمىندە جاتتىعادى.
قازاقستان رەسپۋبليكاسىنىڭ سپورت شەبەرى، قازاقستان رەسپبليكاسىنىڭ التى دۇركىن چەمپيونى، ازيا چەمپيوناتىنىڭ ەكى دۇركىن كۇمىس جۇلدەگەرى، الەم چەمپيوناتىنىڭ قولا جۇلدەگەرى.
قازاقستاننىڭ 100 جاڭا ەسىمى جوباسىنا ىرىكتەپ الىنعان.