مۇنداي بولجامدى عالىمدار نيۋ-دەلي تۇرعىندارىنىڭ ومىرىنە قاتىستى بولجاپ وتىر
سەبەبى نيۋ-دەليدە اۋانىڭ لاستانۋ كورسەتكىشى ەڭ جوعارعى دەڭگەيگە جەتتى. وعان ديۆالي مەرەكەسى سەبەپ. ويتكەنى كوشەگە شىققان جۇرت شام جاعىپ، وتشاشۋ اتادى، دەپ حابارلايدى Almaty-akshamy.kz 24.kz-كە سىلتەمە جاساپ.
بيىل پيروتەحنيكالىق زاتتاردى ساتۋعا جانە قولدانۋعا تىيىم سالىنعان. ءبىراق ونى ەسكەرىپ جاتقاندار از. ال شاھاردىڭ ەكولوگيالىق جاعدايى ونسىز دا ءماز ەمەس. ونەركاسىپ ورىندارىنان اۋاعا بولىنەتىن زياندى گازدار كوپ. ونىڭ سىرتىندا كولىكتەردىڭ دە زيانى بار. بۇل ازداي كۇزدە فەرمەرلەر ماساق ورتەيدى.
عالىمداردىڭ ەسەپتەۋىنشە، اۋانىڭ لاستانۋى سالدارىنان نيۋ-دەلي تۇرعىندارىنىڭ ءومىرى 6 جىلعا قىسقارادى ەكەن.
«تۇرعىندارعا وتشاشۋ اتپاڭدار دەپ الدىن الا ەسكەرتىلدى. الايدا وعان جۇرتتىڭ قۇلاق اسىپ جاتقانى شامالى. سالدارىنان اۋا ساپاسى كۇرت ناشارلاپ كەتتى. ەندى بۇل جاعداي تەك نيۋ-دەلي حالقىنا عانا ەمەس، سولتۇستىك ءوڭىر تۇرعىندارىنا دا اسەر ەتىپ وتىر»، - دەيدى ەكولوگ ۆيملەندۋ دجحا.