شىمكەنتتە لامينات ساقتايتىن قويمادا ءورت شىقتى، - دەپ حابارلايدى Almaty-akshamy.kz شىمكەنت تجد قوعاممەن بايلانىس توبىنا سىلتەمە جاساپ.
شىمكەنت تجد «101» ديسپەچەرلىك پۋلتىنە 20 شىلدەدە ساعات 19:47-دە ءال-فارابي اۋدانى، راشيدوۆ كوشەسىندە "دارحان" بازارى اۋماعىندا ءورت شىققانى تۋرالى حابارلاما كەلىپ تۇسكەن.
«جەكە ورنالاسقان ءبىر قاباتتى كولەمى 150 شارشى مەتر بولاتىن لامينات ساقتايتىن قويما ىشىندە لامينات جاندى. ءورت سالدارىنان 1 دانا جۇك كوتەرگىش زاقىمدانعان.
ءورت ساعات 20:16-دا وقشاۋلانىپ، ساعات 21:16-دا تولىعىمەن ءسوندىرىلدى. زارداپ شەككەندەر مەن قايتىس بولعاندار جوق. ءورتتىڭ شىعۋ سەبەبى مەن ماتەريالدىق شىعىننىڭ كولەمى انىقتالىپ جاتىر»، - دەلىنگەن حابارلامادا.
ءورتتى سوندىرۋگە شىمكەنت تجد ءورت ءسوندىرۋ قىزمەتىنىڭ 58 قىزمەتكەرى مەن 14 تەحنيكاسى، اپاتتار مەديسينا ورتالىعى فيليالىنىڭ 1 بريگاداسى جۇمىلدىرىلعان.