مەدەۋ اۋدانىنداعى لاي كوشكىنى سالدارىنان ەكى جەكە تۇرعىن ءۇي، ولاردىڭ ءبىرى جارتىلاي زاقىمداندى، دەپ حابارلايدى almaty-akshamy.kz الماتى قالاسى تجد-نە سىلتەمە جاساپ.
الدىن الا اقپارات بويىنشا، زارداپ شەككەن ۇيدە ءتورت ادام بولعان، ەكەۋى بالا. وقيعا ورنىندا "قازسسەلدەنقورعاۋ" مم، الماتى قالاسى "109 قۇتقارۋ قىزمەتى" رەسپۋبليكالىق جەدەل-قۇتقارۋ جاساعى، الماتى قالاسى تجد، جەدەل جاردەم بريگاداسى، مەدەۋ اۋدانى اكىمدىگىنەن 160 ادام جانە 30 بىرلىك تەحنيكا جۇمىس ىستەپ جاتىر.
جاقىن ماڭداعى ۇيلەردىڭ تۇرعىندارى №47 ورتا مەكتەپتە ەۆاكۋاسيالاندى. تۇرعىندار ءوز ەرىكتەرىمەن تۋىستارىنىڭ ۇيىنە كەتتى.
مەديسينالىق توپ كەزەكشىلىكتە، زارداپ شەككەندەردى ىزدەۋ جالعاسۋدا.
ەسكە سالايىق، 8 اقپان 02-20 ساعات ىشىندە "تاۋ سامالى" مەدەۋ اۋدانى، وليمپييسكايا كوشەسىنىڭ بويىندا تەحنوگەندىك توپىراقتىڭ لايلانۋى سالدارىنان لاي كوشكىنى ءجۇردى.
اتاپ وتسەك، لاي - تەرەڭدىگى مەترگە دەيىنگى جۇقا توپىراق قاباتىنىڭ جولاعى، اۋىرلىق كۇشىنىڭ اسەرىنەن ەرىگەن جاڭبىرمەن نەمەسە جەر استى سۋلارىمەن قانىققاندىقتان باۋرايدان تومەن قاراي لاي تارىزدەس كۇيگە اۋىسادى.
اقپارات تولىقتىرىلادى. تەك رەسمي دەرەكتەرگە سەنۋلەرىڭىزدى سۇرايمىز.