بارلىق اسكەري بولىمدە سالتاناتتى شارالار ۇيىمداستىرىلدى
ق ر پرەزيدەنتىنىڭ 2022 جىلعى 4 ناۋرىزداعى جارلىعىنا سايكەس، قارۋلى كۇشتەردە اسكەري قىزمەتتىڭ بەلگىلەنگەن مەرزىمىن وتكەرگەن 7 مىڭعا جۋىق سارباز بيىلعى كۇزدە زاپاسقا شىعارىلادى، دەپ حابارلايدى Almaty-akshamy.kz.
ق ر قورعانىس مينيسترلىگىنىڭ باسپا ءسوز قىزمەتىنەن ءمالىم ەتكەندەي، ءبىر جىلدا مىڭداعان سارباز اسكەري ءىستىڭ قىر-سىرىن ۇيرەنىپ، بولىمشەلەر قۇرامىندا جاتتىعۋلارعا قاتىستى. كوپتەگەنى وقۋ-جاتتىعۋ ورتالىقتارى مەن كىشى ماماندار دايارلايتىن مەكتەپتەردە الداعى ومىرىنە قاجەت بولاتىن اسكەري ماماندىقتار الىپ شىققان.
بارلىق اسكەري بولىمدە سالتاناتتى شارالار ۇيىمداستىرىلدى، ساربازدار جاۋىنگەرلىك تۋمەن قوشتاسىپ، پلاستا سوڭعى رەت ساپ تۇزەپ ءجۇرىپ ءوتتى. ال كومانديرلەر مەن جەكە قۇرام زاپاسقا شىعارىلعان مەرزىمدى قىزمەتتىڭ ساربازدارىنا قۇرمەت كورسەتۋدە. ۇزدىكتەرى گراموتالارمەن، باعالى سىيلىقتارمەن، العىس حاتتارمەن ماراپاتتالدى.
«تۋعان جەرلەرىنە كەلگەننەن كەيىن زاپاسقا شىعارىلعان اسكەري قىزمەتشىلەر جەرگىلىكتى اسكەري باسقارۋ ورگاندارىندا اسكەري دايىندالعان رەزەرۆ رەتىندە ەسەپكە الىنادى»، - دەلىنگەن ۆەدومستۆو مالىمەتىندە.