«سبەربانك» اق قالانى قالپىنا كەلتىرۋگە جارتى ميلليارد تەڭگەدەن استام قارجى ءبولدى، دەپ حابارلايدى اlmaty-akshamy.kz
وسىنداي قيىن شاقتا الماتىنى قالپىنا كەلتىرۋ جانە قالاعا كورىك بەرۋ ءۇشىن كورسەتىلەتىن كەز كەلگەن كومەك پەن قولداۋ وتە ماڭىزدى. ءارقايسىمىز ءبىر كىسىدەي اتسالىسساق، بۇل سىناقتى بىرگە ەڭسەرەمىز، ءومىرىمىزدى جاقسارتامىز. ءبىزدىڭ كۇشىمىز - بىرلىكتە.
12 قاڭتاردا الماتىعا سۋ جاڭا 10 رەانيموبيل سىيعا بەرىلدى، ورىن العان تارتىپسىزدىكتەردىڭ سالدارىنان بىرنەشە "جەدەل جاردەم" كولىگىنىڭ جويىلعانىن ەسكەرسەك، بۇل كولىكتەر قالامىزعا وتە قاجەت. زاماناۋي رەانيموبيلدەر بارلىق قاجەتتى مەديسينالىق قۇرالدارمەن جابدىقتالعان، اتاپ ايتقاندا، دەفيبريللياتورلار، جۇرەك قاعىسىن تەكسەرەتىن تولىق جۇيە، پۋلسوكسيمەترلەر، تاسىمالداۋعا قولايلى تىنىس الۋ اپپاراتتارى، وتتەگى باللوندارى بار. سونداي-اق بانك ۇلتتىق كىتاپحانا مەن رەسپۋبليكامىزدىڭ مەملەكەتتىك ورتالىق مۇراجاي عيماراتىن جوندەپ، قالىپتى جاعدايىنا كەلتىرەدى.
الماتى اكىمى باقىتجان ساعىنتايەۆ قالانىڭ بىرتىندەپ بۇرىنعى ومىرىنە ورالعانىن جانە ورىن العان وقيعادان كەيىن قالپىنا كەلتىرۋ جۇمىستارىنىڭ جۇرگىزىلىپ جاتقانىن ايتتى.
«ءبىز قازاقستاندىقتاردىڭ قيىن كەزەڭدە ۇيىمشىلدىق كورسەتىپ، جۇمىلعان جۇدىرىقتاي ارەكەت ەتە الاتىنىنا تاعى دا كوز جەتكىزدىك. الماتىلىقتارعا تارتىپسىزدىك كەزىندە سابىرلىلىق پەن باتىلدىق تانىتقاندارى ءۇشىن جانە بىزگە كورسەتكەن كومەكتەرىڭىز ءۇشىن العىس ايتامىن» - دەدى باقىتجان ساعىنتايەۆ.
سونداي-اق قالا اكىمى زارداپ شەككەن سالالاردى قالپىنا كەلتىرۋگە، سونىڭ ىشىندە دانساۋلىق ساقتاۋ سالاسىنا ءىرى بيزنەس جانە قارجى ينستيتۋتتارىنىڭ قولداۋ كورسەتىپ جاتقانىن ەرەكشە العىسپەن ايتتى.
«الماتى قيىن كەزەڭدى باسىنان وتكىزۋدە. قازىرگى ۋاقىتتا باستى ورتاق ماقساتىمىز – تۋعان قالامىزدىڭ بۇرىنعى كەلبەتىن قايتارۋ. ءبىز وسى ءبىر ماڭىزدى ىسكە ءوز ۇلەسىمىزدى قوسقىمىز كەلەدى. بۇگىن ءبىز الماتى اكىمدىگىنە الدىڭعى قاتارلى مەديسينالىق قۇرالمەن جابدىقتالعان 10 "جەدەل جاردەم" كولىگىن تابىستايمىز. سونداي-اق ۇلتتىق كىتاپحانا مەن ق ر ورتالىق مەملەكەتتىك مۇراجايىن ءوز كۇشىمىزبەن قايتا قالپىنا كەلتىرەمىز دەپ شەشتىك. بىرىگە جۇمىلساق، قيراعان نىسانداردى جىلدام قالپىنا كەلتىرىپ قانا قويماي، بۇرىنعىدان دا كۇشتىرەك بولامىز دەگەن سەنىمدەمىن»، - دەدى «سبەربانك» اق ەب باسقارما ءتوراعاسى ەلدار تەڭىزبايەۆ.
بۇگىندە "سبەربانكتىڭ" بولىمشەلەرى مەن بانكوماتتارى ەلىمىزدىڭ بارلىق ايماقتارىندا شتاتتىق تارتىپتە جۇمىس ىستەيدى. نەسيەلەۋدى قوسقاندا، كليەنتتەرگە بارلىق قىزمەتتەر قولجەتىمدى.