قازاق ۇلتتىق اگرارلىق ۋنيۆەرسيتەتىنىڭ ۇجىمى مەملەكەت باسشىسىنىڭ جولداۋىنا بايلانىستى «دوڭگەلەك ۇستەل» وتكىزدى. ءىس-شارا «جولداۋ – كۇرمەۋى كۇردەلى ماسەلەلەردى كوتەرگەن قۇجات. بيىك دەڭگەيدە تالدانىپ، الدىمىزعا شەشىم قويدى» دەگەن تاقىرىپ اياسىندا ءوربىدى.
جيىنعا قاتىسۋشىلاردىڭ ايتۋلارىنشا، جوو ستۋدەنتتەرى مەن وقىتۋشى قۇرام ماڭىزدى قۇجاتقا اسا جاۋاپكەرشىلىكپەن قارايدى. سوندىقتان جولداۋدىڭ ءار ءبولىمىن تالداپ شىققان. ولار قۇجات ءبىر مەزەتتىك ەمەس، ستراتەگيالىق ماڭىزى بار بولعاندىقتان جۇمىلا ورىنداۋعا نيەتتى.
«قۇجاتتى جۇزەگە اسىراتىن ءبىر-اق قانا مەحانيزم بار. ول ادامداردىڭ ىنتا-جىگەرى، قىزىعۋشىلىعى، ادالدىعى. باسقا جول جوق. ءقازىر شەتەلدىك ۋنيۆەرسيتەتتەرمەن بايلانىسىپ، نيدەرلاندى ۋنيۆەرسيتەتىنىڭ وسىنداعى فيليالى اشىلدى. شەتەلدىك عالىمدار دا كەلىپ جاتىر. ۇستازدار كەلىپ جاتىر. دەمەك، ءبىز بۇرىنعى تەمىر پەردەنىڭ ار جاعىندا، بەر جاعىندا قالعان ەل ەمەسپىز»، – دەدى تاريحشى حانگەلدى ءابجانوۆ.