كۇنباعىس مايىنىڭ باعاسى ءبىر ايدا 0،3%-عا، جىل باسىنان بەرى 30%-عا، ال ءبىر جىلدا 56%-دان اسا قىمباتتاعان.
ەلىمىزدە تازارتىلعان كۇنباعىس مايىنىڭ ءوندىرىسى تۇراقتى تۇردە ارتىپ كەلەدى، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
2021 جىلدىڭ قاڭتار-قىركۇيەك ايلارىندا ەلىمىزدە 131 مىڭ توننا تازارتىلماعان كۇنباعىس مايى ءوندىرىلدى، بۇل وتكەن جىلمەن سالىستىرعاندا 1،4%-عا از. ال تازارتىلعان ماي ءوندىرۋ بىردەن 29،7%-عا ءوسىپ، 109،8 مىڭ تونناعا جەتتى.
تازارتىلماعان كۇنباعىس مايىن ءوندىرۋ كولەمى بويىنشا شىعىس قازاقستان (98 مىڭ توننا)، قوستاناي (10،5 مىڭ توننا) جانە اقتوبە (8،3 مىڭ توننا) وبلىستارى كوش باستاپ تۇر.
وڭدەلگەن كۇنباعىس مايىن وندىرۋدەن شىمكەنت (47،3 مىڭ توننا)، شىعىس قازاقستان وبلىسى (40،4 مىڭ توننا) جانە الماتى (17 مىڭ توننا) كوش باستاپ تۇر.
2020 جىلى ەلىمىزدە 351،3 مىڭ توننا كۇنباعىس مايى وندىرىلگەن، بۇل وتكەن جىلعى كورسەتكىشپەن سالىستىرعاندا 9،7%-عا ارتىق.
بيىلعى جىلدىڭ سەگىز ايىنىڭ قورىتىندىسى بويىنشا جەرگىلىكتى كومپانيالار كۇنباعىس مايىنا دەگەن 75،6% سۇرانىستى (ىشكى نارىقتاعى ساتۋ جانە ەكسپورت) 80،2%-عا قامتاماسىز ەتتى.
يمپورتتىڭ ۇلەسى تيىسىنشە 19،8%-دى قۇرادى. جىل باسىنان بەرى ەلىمىزگە 54،5 مىڭ توننا ماي جەتكىزىلدى، بۇل وتكەن جىلدىڭ وسى كەزەڭىمەن سالىستىرعاندا 12،1 پايىزعا از. ەكسپورتقا 58،5 مىڭ توننا كۇنباعىس مايى جىبەرىلدى، جىلىنا 25،5%-عا ازايعان.
ىشكى ساتىلىم 217 مىڭ تونناعا جەتتى، بۇل وتكەن جىلمەن سالىستىرعاندا 23،8%-عا ارتىق.
2021 جىلدىڭ قازان ايىندا ەلىمىزدىڭ دۇكەندەرى مەن بازارلارىندا كۇنباعىس مايىنىڭ ءبىر ءليترى 767 تەڭگە بولدى، بۇل ءبىر جىل بۇرىنعىدان 56،2%-عا ارتىق. ءبىر ايدا باعا 0،3%-عا، جىل باسىنان بەرى 29،9%-عا ءوستى.
ەلىمىزدىڭ ءىرى قالالارىنىڭ ىشىندە ەڭ قىمبات باعا اتىراۋدا (836 تەڭگە)، ەڭ ارزانى پەتروپاۆلدا (664 تەڭگە) بولدى.
ايماقتىق تۇرعىدا جىلدىق ديناميكاداعى باعا بقو-دا بىردەن 71،7%-عا، قوستاناي وبلىسىندا – 70،9%-عا، اقمولا وبلىسىندا – 69،8%-عا وسكەن.
قازاقستاندا الداعى ءبىر جارىم ايدا كۇنباعىس مايىنىڭ ءبىر ءليترى 100 تەڭگەگە ارزانداۋى مۇمكىن، دەپ حابارلادى inbusiness.kz. بۇعان رەسەي مەن ۋكرايناداعى كۇنباعىستىڭ جوعارى ونىمدىلىگى سەبەپ بولۋى مۇمكىن.