قازاقستان سينوپتيكتەرى الداعى ءۇش كۇندە – 14-16 قاراشا كۇندەرى اۋا رايى قانداي بولاتىنىن ايتتى.
بولجام بويىنشا، كۇن مەزگىلسىز جىلى بولادى، دەپ حابارلايدى اlmaty-akshamy.kz.
"قازگيدرومەت" رمك مالىمەتىنشە، قاراشا ايىنىڭ قالىپتى ەمەس جىلى بولۋى قىستىڭ باستالۋىن ەداۋىر كەيىنگە قالدىردى. بولجام بويىنشا جىلى كۇندەر ءالى دە ساقتالادى.
"باسىنان باستاپ قازاقستاننىڭ باتىسى، سودان كەيىن قالعان ايماقتارى ەكى – وڭتۇستىك جانە اتلانت مۇحيتى سيكلونىنىڭ ىقپالىندا بولادى. ولار اۋا رايىن بۇلتتى جانە جاڭبىرلى ەتەدى. ال تەمپەراتۋرا فونى ايتارلىقتاي مونوتوندى بولادى دەپ بولجانىپ وتىر. ءبىراق ورتاشا جىلى"، - دەلىنگەن حابارلامادا.
بولجام بويىنشا، تەك ەلىمىزدىڭ وڭتۇستىك وبلىستارىندا كوشپەلى بۇلت شىعىپ، كۇندىز اۋا تەمپەراتۋراسى +17+22°س-قا دەيىن كوتەرىلەدى.