ادامدار ادەتتە ورگانيزىمىندەگى حولەستەرين دەڭگەيىن باقىلاۋدا ۇستاۋ ءۇشىن، دالىرەگى، حولەستەريننىڭ دەڭگەيى ارتىپ كەتپەسى ءۇشىن تەك تۇتىناتىن تاعامىنا عانا ءمان بەرەدى.
الايدا، حولەستەرين دەڭگەيىنىڭ كوتەرىلۋىنە ەڭ نەگىزگى سەبەپتى نازاردان تىس قالدىرادى. ول – كۇيزەلىس. كۇيزەلىس – ورگانيزمدە حولەستەريننىڭ شەكتەن تىس كوبەيۋىنە جول بەرەتىن سەبەپ. بۇل جايىندا Almaty-akshamy.kz islam.kz پورتالىنا سىلتەمە جاساي وتىرىپ حابارلايدى.
دارىگەردىڭ سوزىنە قاراعاندا، جالپى حولەستەريننىڭ 20%-ى عانا تاعامنان سىڭەدى، قالعان 80%ى دەنەنىڭ وزىندە وندىرىلەدى. دۇرىس تاماقتانۋ مايعا ۇقساس زاتتاردىڭ دەڭگەيىن تۇزەتەدى، از مولشەردە. بۇل تاراپتا جۇيكە جۇيەسىن باقىلاۋدا ۇستاۋدىڭ ماڭىزى زور. سترەسس كەزىندە ورگانيزم حولەستەرينمەن وندىرىلەتىن كورتيزولدى كوبىرەك قاجەت ەتەدى. ادام مازاسىز كۇيدە نەعۇرلىم ۇزاق بولسا، سوعۇرلىم ىشكى جۇيەگە كورتيزول قاجەت بولادى. پسيحيكالىق سترەستىڭ جۇرەك-قان تامىرلارى اۋرۋلارىن قوزدىراتىنى دا سول سەبەپتەن ەكەن.