پورتۋگاليالىق فۋتبولشى كريشتيانۋ رونالدۋ ساۋد اراۆيا كلۋبى «ال-ناسرمەن» كەلىسىمشارتقا وتىردى، دەپ حابارلايدى Almaty-akshamy.kz Inform.kz-كە سىلتەمە جاساپ.
اقپاراتقا سايكەس، 37 جاستاعى فورۆاردپەن كەلىسىم ەكى جىلعا جاسالعان.
باق-تاردىڭ مالىمەتىنشە، رونالدۋ جارنامالىق كەلىسىمدەردى قوسا ەسەپتەگەندە جىلىنا 200 ملن ەۋرو جالاقى الاتىن بولادى.
«ال-ناسر» كلۋبىنىڭ جۇمىسى اسا شابىتتاندىرادى جانە جوعارى جەتىستىكتەرگە جەتۋ ءۇشىن كوماندالاس دوستارىمنىڭ قاتارىنا قوسىلۋعا قۋانىشتىمىن»، - دەدى ايگىلى فۋتبولشى.
اتالعان كلۋبتىڭ ديرەكتورلار كەڭەسىنىڭ ءتوراعاسى مۋسالي ال مۋامماردىڭ ايتۋىنشا، بۇل كەلىسىم جاي عانا تاريحي بەتتى باستاۋ ەمەس، ودان دا ايتۋلى وقيعا.
«ال-ناسر» ساۋد ارابياسىنىڭ سەگىز مارتە چەمپيونى (سوڭعى تيتۋلدى 2019 جىلى يەلەندى) اتانعان كلۋب.
رونالدۋ جۋرناليست پيرس مورگانعا سۇحبات بەرگەننەن كەيىن داۋ تۋىنداپ، «مانچەستەر يۋنايتەد» قاراشا ايىندا ونىمەن كەلىسىمشارتتى ۇزگەن ەدى. وسىدان كەيىن كريشتيانۋ قاتاردا وتكەن 2022 جىلعى الەم چەمپيوناتىنا اتتاندى. الايدا ول ءساتسىز ويىن كورسەتتى: پورتۋگاليالىق فۋتبولشى بەس ويىندا تەك ءبىر گول عانا سوقتى، ونىڭ وزىندە ەكى ويىندى قوسالقى قۇرام ورىندىعىندا وتكىزىپ شىقتى. جالپى، پورتۋگاليا قۇراماسى ءتۋرنيردىڭ شيرەك فينالىندا ماروككو قۇراماسىنا 0:1 ەسەبىمەن جەڭىلىپ قالدى.