22 ناۋرىزداعى جاعداي بويىنشا، 470 839 745 ادام اۋرۋ جۇقتىرعان جانە 6 092 933 ناۋقاس قايتىس بولعان
الەمدە كوروناۆيرۋستىق ينفەكسيالار سانىنىڭ كۇرت ءوسۋ ءقاۋپى ۆاكسيناسيامەن جاپپاي قامتۋ قامتاماسىز ەتىلمەيىنشە ساقتالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل تۋرالى سارسەنبى كۇنى جەنيەۆادا وتكەن بريفينگتە دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) باس ديرەكتورى تەدروس ادحانوم گەبرەيۋس مالىمدەدى.
"دۇنيەجۇزىلىك دەنساۋلىق ساقتاۋ ۇيىمىنىڭ ماقساتى وسى جىلدىڭ ورتاسىنا دەيىن بارلىق ەلدەردەگى ادامداردىڭ 70% ۆاكسيناسيالاۋ بولىپ قالا بەرەدى"، - دەدى ول. - قازىرگى ۋاقىتتا مەديسينا قىزمەتكەرلەرىن، قارتتاردى جانە باسقا دا تاۋەكەل توپتارىن يممۋنداۋعا باسىمدىق بەرىلۋى كەرەك. الەم حالقىنىڭ ۇشتەن ءبىر بولىگى ۆاكسيناسيالانباعان».
ددۇ باسشىسىنىڭ ايتۋىنشا، ەكپەمەن قامتۋدىڭ جوعارى دەڭگەيىنە قول جەتكىزبەيىنشە، ينفەكسيالاردىڭ كۇرت ءوسۋى جانە ىندەتتىڭ جاڭا نۇسقالارىنىڭ پايدا بولۋ ءقاۋپى تومەندەمەك ەمەس.
گەبرەيۋس الەمدە «COVID-19 اۋرۋلارى سانىنىڭ ءوسۋى» جالعاسىپ جاتقانىن ەسكە سالدى. "سونىمەن قاتار، ءقازىر بىرنەشە ەل پاندەميا باستالعالى بەرى بارلىق ۋاقىتتاعى ەڭ جوعارى ءولىم كورسەتكىشىمەن بەتپە-بەت كەلىپ وتىر. بۇل "وميكرون" نۇسقاسىنىڭ تارالۋ جىلدامدىعىنا بايلانىستى، سونداي-اق ەكپە الماعاندار اراسىندا، اسىرەسە، ەگدە جاستاعى ادامدار اراسىندا ءولىم ءقاۋپىنىڭ جوعارىلاۋىمەن بايلانىستى"، - دەپ تۇيىندەدى باس ديرەكتور.
22 ناۋرىزداعى جاعداي بويىنشا، 470 839 745 ادام اۋرۋ جۇقتىرعان جانە 6 092 933 ناۋقاس قايتىس بولعان. سوڭعى اپتادا (14-20 ناۋرىز) 12 ميلليوننان استام ادام كوروناۆيرۋس ينفەكسياسىن جۇقتىردى، 32 مىڭنان استامى قايتىس بولدى. الدىڭعى جەتى كۇنمەن سالىستىرعاندا، ينفەكسيانى جۇقتىرعاندار سانى 7 پايىزعا ارتىپ، قايتىس بولعاندار سانى 23 پايىزعا ازايعان.