ۇيىمداستىرۋ كوميتەتى كوشپەندىلەر ويىندارىندا دەلەگاسيا ورنالاساتىن قوناق ۇيلەر جۇمىسىمەن تانىستىردى.
بۇگىن، 25 شىلدە كۇنى 5ء-شى دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ جونىندەگى ديرەكسيا ويىندارعا كەلەتىن دەلاگاسيالاردى ورنالاستىرۋ جانە ويىندار كەزىندە قوناق ۇيلەر قىزمەتىن جۇيەلەۋ باعىتى بويىنشا اتقارىلعان جۇمىستار بارىسىمەن تانىستىردى، دەپ حابارلايدى aqshamnews.kz
ديرەكسيا باسشىسى نايل نۇروۆ ق ر تۋريزم جانە سپورت ۆيسە-مينيسترى سەرىك جاراسبايەۆقا Holiday Inn Express Astana-Turan قوناق ۇيىندەگى جۇمىستاردى تانىستىرۋمەن باستادى. جۇمىس توبى قوناق ۇيگە كىرەتىن باعىتتاردان باستاپ، كوشەدەگى ناۆيگاسيا كورسەتىلىمى، كولىكتەر مەن اۆتوبۋستاردى ويىندار ستيلىندە بەزەندىرۋ، قوناق ۇيلەردەگى ۆولونتەرلار قىزمەتىن، قوناق ۇيدە دەلەگاسيا مۇشەلەرى ورنالاساتىن بولمەلەر مەن اس مازىرىمەن (تاڭعى، تۇسكى، كەشكى اس) تانىستىردى. ارنايى شتاب قوناق ءۇي ماسەلەسىمەن تانىسقان سوڭ، جاقسىلىق ۇشكەمپىروۆ اتىنداعى جەكپە جەك سارايىنا اتتاندى.
شتاب مۇشەلەرى جەكپە-جەك سارايىنداعى جيىندى اۆتوتۇراق الاڭىنىڭ جۇمىسىمەن تانىسۋدان باستادى. جاۋاپتى ماماندار وبەكتىگە كىرۋدى باسقارۋ جانە باقىلاۋ جۇيەسىن، بيلەتتەردى تەكسەرۋ قىزمەتىن، اككرەديتاسيا (بەيدج) مەن بيلەتتەردەگى QR كودتار ارقىلى كورەرمەندەردى كىرگىزۋ جۇمىستارىنىڭ قالاي جۇرگىزىلەتىنىن پىسىقتادى.
ايتا كەتەرلىگى، 8-13 قىركۇيەكتە استانا قالاسىندا 5ء-شى دۇنيەجۇزىلىك كوشپەندىلەر ويىندارى وتەدى. ءىس-شاراعا 89 ەلدەن 2000-نان استام سپورتشى قاتىسادى دەپ جوسپارلانۋدا. 5ء-شى دۇنيەجۇزىلىك كوشپەندىلەر ويىندارىنىڭ باس دەمەۋشىسى - ALAGEUM ELECTRIC، ويىنداردىڭ باس سەرىكتەسى - Halyk Bank. استانادا وتەتىن دۇنيەجۇزىلىك كوشپەندىلەر ويىندارىندا بارلىعى 21 سپورت تۇرىنەن 97 مەدال جيىنتىعى ساراپقا سالىنادى.