كوروناۆيرۋستىڭ جاڭا ءتۇرى شىقتى

ءۇندىستاندا كوروناۆيرۋستىڭ جاڭا ءتۇرى انىقتالدى.

Eris دەپ اتالاتىن (EG.5.1) جاڭا شتامم ۇلىبريتانيا تۇرعىندارى اراسىندا الاڭداۋشىلىق تۋعىزدى، دەپ حابارلايدى almaty-akshamy.kz قازاقپاراتقا سىلتەمە جاساپ.

كوروناۆيرۋستىڭ گەنومدىق ۆارياسيالارىن باقىلاۋ ءۇشىن قۇرىلعان ءۇندىستاننىڭ SARS-CoV-2 گەنوميكا كونسورسيۋمى جاڭا شتام جۇقتىرعاندار بار ەكەنىن، ءبىراق الاڭدايتىن ەشتەڭە جوق ەكەنىن اتاپ ءوتتى.

«حۆۆ كوروناۆيرۋسىنىڭ نۇسقاسى ءۇندىستاندا باسىم شتام بولىپ قالا بەرەدى. قازىرگى ۋاقىتتا ول وسىعانعا دەيىنگى بارلىق جاعدايلاردىڭ 90-92% قۇرايدى. مىسالى، وميكروننان شىققان 5.1 شتامى العاش رەت وتكەن ايدا ۇلىبريتانيادا انىقتالدى جانە ءقازىر بۇكىل ەل بويىنشا تارالۋدا. مونيتورينگ جۇيەسى جاقسى جۇمىس ىستەيدى، ويتكەنى ءبىز جاڭا شتامداردى انىقتاي الدىق»، - دەدى ءۇندىستاننىڭ كوروناۆيرۋستىق اۋرۋلار گەنوميكاسى كونسورسيۋمىنىڭ مۇشەسى.

ءۇندىستاننىڭ دەنساۋلىق ساقتاۋ مينيسترلىگىنىڭ مالىمەتىنشە، سوڭعى 24 ساعات ىشىندە ەلدە كوروناۆيرۋس جۇقتىرعانداردىڭ جاڭا سانى 54-كە جەتتى، بەلسەندى جاعدايلاردىڭ سانى 1574. ۆيرۋستان قايتىس بولعاندار سانى 531 918 ادامدى قۇرادى.