ۆيرۋستىڭ الەمگە كەڭ تاراپ كەتكەندىگى وسىعان اكەلىپ سوقتىراتىن سياقتى.
بۇل تۋرالى مالىمدەگەن دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحان گەبرەيەسۋس ول شتامنىڭ "دەلتا" نۇسقاسىنا قاراعاندا قاۋىپتىرەك بولۋى مۇمكىن ەكەنىن ايتتى، دەپ حابارلايدى Almaty-akshamy.kz
ددسۇ باسشىسى توكيوداعى حالىقارالىق وليمپيادا كوميتەتىنىڭ 138-سەسسياسىندا سويلەگەن سوزىندە ءوزى باسقاراتىن ۇيىمنىڭ COVID-19-بەن كۇرەسۋدەگى باستى ماقساتى - 2022 جىلدىڭ قىركۇيەك ايىنا دەيىن الەم حالقىنىڭ 70 پايىزىنا ەكپە سالدىرۋ ەكەنىن اتاپ ءوتتى.
«كوروناۆيرۋس كەڭ تارالعان سايىن ونىڭ ونسىز دا از شىعىن اكەلمەگەن «دەلتا» تۇرىنەن دە قاۋىپتىرەك نۇسقاسى پايدا بولۋى مۇمكىن. ال نۇسقالارى كوبەيگەن كەزدە ونىڭ بىرەۋى بولماسا، بىرەۋى ۆاكسيناعا باعىنباي كەتۋى عاجاپ ەمەس»، - دەدى تەدروس ادحان گەبرەيەسۋس.