الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنبايەۆ بريفينگ بارىسىندا كوروناۆيرۋسقا قارسى Pfizer ۆاكسيناسى قانداي جاعدايدا ساقتالۋى كەرەكتىگىن ءتۇسىندىردى، دەپ حابارلايدى almaty-akshamy.kz
ناريمان تابىنبايەۆ الماتىداعى بارلىق 137 ەگۋ پۋنكتىنە Pfizer ۆاكسيناسى جەتكىزىلەتىنىن اتاپ ءوتتى.
«ۇكىمەت ءبىرىنشى كەزەڭدە ۆاكسينالاناتىن ءۇش باسىم توپتى انىقتاپ بەردى. ءقازىر قالاعا Pfizer پرەپاراتىن اكەلۋ جوسپاردا. سونىمەن قاتار، بۇل ۆاكسينانى مەكتەپتەرگە بارۋ ارقىلى جۇرگىزۋگە رۇقسات ەتىلەدى. ايتا كەتەيىن، ۆاكسيناسيا ەرىكتى تۇردە جانە اتا-انالاردىڭ كەلىسىمىمەن جۇرگىزىلەدى»، - دەدى سپيكەر.
سونىمەن قاتار، ول ۆەدومستۆودا ۆاكسينانى ساقتاۋ بويىنشا ناقتى نۇسقاۋلار بار ەكەنىن تىلگە تيەك ەتتى.
«Pfizer ۆاكسيناسى 60-90 گرادۋس تەمپەراتۋرادا ساقتالۋى ءتيىس. بۇل - ازىرلەۋشىلەردىڭ باستى تالابى. ەرىتىلگەننەن كەيىن امپۋلالاردى 2-8 گرادۋس تەمپەراتۋرادا ساقتاۋعا بولادى. پرەپاراتتى جالپى العاندا 30 كۇنگە دەيىن سۋىق تىزبەكتى ساقتاي وتىرىپ قولدانۋعا بولادى، وسى ۋاقىت ىشىندە ول ءوزىنىڭ قاسيەتتەرىن ساقتايدى»، - دەپ تولىقتىردى ناريمان تابىنبايەۆ.