كوروناۆيرۋس. الەم جاڭالىقتارى

وميكروننىڭ قۇرامىندا 32 مۋتاسياسى بار

الاڭداۋشىلىق تۋدىراتىن كوروناۆيرۋستىڭ انىقتالعان جاڭا B.1.1.529 شتاممىنا ددۇ «وميكرون» دەگەن اتاۋ بەرىلىدى، دەپ حابارلايدى Almaty-akshamy.kz CوVID19 تارالۋىنا جول بەرمەۋ جونىندەگى ۆاك-قا سىلتەمە جاساپ. 

انىقتالعان نۇسقا مۋتاسياسىنىڭ سانى كوپ جانە بۇل شتامم باسقا VOCتارعا قاراعاندا، قايتا جۇقتىرۋدىڭ ءقاۋپى جوعارى. دۇنيەجۇزىلىك دەنساۋلىق ساقتاۋ ۇيىمى قوعامدىق ورىنداردا باقىلاۋدى كۇشەيتۋگە جانە اقپاراتتى ورنالاستىرۋعا، سونىمەن قاتار VOC ينفەكسياسىن جۇقتىرۋ تۋرالى حابار بەرۋگە شاقىردى. سونداي-اق، «وميكرون» شتامىنىڭ ەپيدەميولوگيالىق جاعدايعا اسەر ەتۋ مۇمكىندىگىن، الدىن-الۋ شارالارىنىڭ تيىمدىلىگىن، انتيدەنەلەرمەن ارەكەتتەسۋىن زەردەلەۋ ماقساتىندا زەرتتەۋلەر جۇرگىزۋ ۇسىنىلدى.

ەۋروپادا COVID-19 جاڭا «وميكرون» شتاممىن جۇقتىرۋ فاكتىسى تىركەلدى. بەلگيادا ورىن العان بۇل جاعداي، كوروناۆيرۋستىڭ «وميكرون» شتاممىن جۇقتىرعان ناۋقاستىڭ مىسىر ەلىنەن كەلگەندىگى انىقتالدى. ناۋقاس ايەلدە كوروناۆيرۋستىڭ العاشقى بەلگىلەرى 22 قاراشادا پايدا بولدى. كوپتەگەن مۋتاسيالارمەن سيپاتتالاتىن كۆيدىڭ جاڭا B.1.1.529 موديفيكاسياسى العاش رەت قاراشا ايىنىڭ باسىندا بوتسۆانا مەن وڭتۇستىك افريكا رەسپۋبليكاسىندا انىقتالدى. وميكرون قۇرامىندا 32 مۋتاسياسى بار جانە «دەلتا» شتاممعا قاراعاندا الدە قايدا جۇقپالى.