14 ناۋرىز كۇنى ساعات 09:00-دەن 13:00-گە دەيىن «كوكتوبە» اسپالى جولى بويىنشا ءجۇرىپ-تۇرۋ تەگىن بولادى. بۇل شارا كورىسۋ كۇنى مەرەكەسىنە ارنالىپ ۇيىمداستىرىلىپ وتىر، دەپ حابارلايدى aqshamnews.kz
سونىمەن قاتار، وسى كۇنى ساعات 11:00-دە «كوكتوبەدەگى امال كۇنى» اتتى تەاترلاندىرىلعان كونسەرت وتەدى. كونسەرت ناۋرىز ايىنىڭ باستالۋىن بەلگىلەۋ ءۇشىن جانە ناۋرىزناما مەرەكەسىنە وراي ۇيىمداستىرىلعان. كونسەرتتە تانىمال ونەر جۇلدىزدارى – روزا رىمبايەۆا، جانار ايجانوۆا، «جىگىتتەر» توبى، ايگۇل قوسانوۆا جانە «الاتاۋ» ءداستۇرلى ونەر تەاترىنىڭ ارتيستەرى ءوز ونەرلەرىن كورسەتەدى.
بۇل ەرەكشە ءىس-شارا كورەرمەندەرگە قازاقتىڭ ۇلتتىق ونەرى مەن مادەنيەتىنىڭ ءمان-ماڭىزىن ناسيحاتتاۋعا باعىتتالعان جانە ناۋرىز مەرەكەسىنىڭ قارساڭىندا قالا تۇرعىندارى مەن قوناقتارىنا ۇمىتىلماس اسەر قالدىرۋدى ماقسات ەتەدى.