كوپ پاتەرلى ۇيلەردە گاز باللوندارىن قولدانۋعا تىيىم سالىنادى

سىرىم ءشارىپحانوۆ پاۆلودار وبلىسىنىڭ تۇرعىندارىمەن كەزدەسۋدە وسى ماڭىزدى ماسەلەگە نازار اۋداردى، دەپ حابارلايدى almaty-akshamy.kz

جىلىتۋ كەزەڭىنىڭ قورىتىندىسى بويىنشا ورتتە قازا بولعاندار سانى 6%-عا ازايدى، بۇل رەتتە بارلىعى 3،5 مىڭنان استام ءورت تىركەلدى.

مينيستر ءورتتىڭ شىعۋىنىڭ نەگىزگى سەبەپتەرى – ەلەكتر اسپاپتارىن مونتاجداۋ جانە پايدالانۋ ەرەجەلەرىن بۇزۋ - 34،3%، پەشتى جىلىتۋدى دۇرىس ورناتپاۋ جانە پايدالانۋ - 29،3%، وتتى ابايسىز پايدالانۋ - 18% ەكەنىن ەسكە سالدى.

«وسى فاكتىلەردى ەسكەرە وتىرىپ، الداعى جىلىتۋ كەزەڭىنە دايىندىق اياسىندا ازاماتتاردان جىلىتۋ جانە ەلەكترمەن جابدىقتاۋ جۇيەسىن الدىن الا رەتكە كەلتىرۋدى، ءتۇتىن مۇرجالارىن تازالاۋدى جۇرگىزۋدى سۇرايمىن»، - دەدى سىرىم ءشارىپحانوۆ.

سونىمەن قاتار، قىستا گاز باللوندارىنىڭ جارىلىپ، ءورت شىققان فاكتىلەر سانى وسكەنى تىركەلدى.

وسىعان بايلانىستى، سىرىم ءشارىپحانوۆ ليسەنزيالانعان ستانسيالاردا تەك جارامدى جانە قاجەتتى گاز جابدىعىن پايدالانۋ كەرەكتىگىن ەسكە سالدى. ەكى قاباتتان اساتىن كوپ پاتەرلى ۇيلەردە گاز باللوندارىن قولدانۋعا تىيىم سالىنادى.