اعىمداعى جىلدىڭ 5 ماۋسىمدا رەفەرەندۋم وتەتىنىن مەملەكەت باسشىسى قاسىم جومارت كەمەل ۇلى توقايەۆ ءوزىنىڭ بەينەۇندەۋىندە ايتتى. كونستيتۋسيامىزدىڭ 33 بابىنا وزگەرىستەر ەنگىزىلگەلى جاتىر.
سونىمەن قاتار ەلدە دە ءبىراز وزگەرىستەر بولارى انىق. سونى حالىققا ءتۇسىندىرۋ ماقساتىندا قالالىق شتاب قۇرىلدى. مەندە سول شتابتىڭ مۇشەسى بولىپ كىردىم. بۇل دەگەنىڭىز، ماعان جانە دە شتاب مۇشەلىگىنە قابىلدانعان باسقا دا ارىپتەستەرىمىزگە ارتىلعان ۇلكەن امانات دەپ بىلەمىن. ەندىگى ءبىزدىڭ ماقسات ايقىن. ۇگىت ناسيحات جۇمىستارىن جۇرگىزۋ بارىسىندا، قاراپايىم حالىققا قۇرعاق اۋىزدى تولتىرىپ جالپىلاما سويلەي سالماي، كەرىسىنشە ەگجەي-تەگجەيلى تۇسىندىرمە جۇمىستارىن جۇرگىزۋ ارقىلى ولاردى حاباردار ەتۋ. وزگەرتىلگەلى جاتقان ءار باپقا توقتالۋ. رەفەرەندۋمنىڭ نە ەكەنىن ءتۇسىندىرۋ. جاسىراتىنى جوق، قوعامدا وسى ءسوزدىڭ ماعىناسىن بىلمەي جۇرگەن جاندار قانشاما.
وسى تۇرعىدا ۇگىت-ناسيحات جۇمىستارىن جۇرگىزگەلى جاتقان ءبىزدىڭ ءوزىمىز دە ساقاداي ساي دايىن بولۋىمىز قاجەت. الدا ۇلكەن جۇمىستار تۇر. ەڭ باستىسى شارشامايىق!