پرەزيدەنت قاسىم-جومارت توقايەۆ 5 ماۋسىم كۇنى وتكەن رەفەرەندۋمنىڭ قورىتىندىسى بويىنشا رەسپۋبليكالىق تەلەارنالار ارقىلى قازاقستان حالقىنا جاساعان ۇندەۋىندە، كونستيتۋسيالىق رەفورما بۇكىل قۇقىق سالاسىن جاڭعىرتۋعا جول اشادى دەپ اتاپ ءوتتى، دەپ حابارلايدى Almaty-akshamy.kz .
«مەملەكەتتىك اپپاراتتى جاڭعىرتىپ، بيۋروكراتيادان بارىنشا ارىلتۋ ءۇشىن جۇيەلى جۇمىس جالعاسادى. ءبىز قوعامنىڭ بارلىق وكىلدەرىنىڭ تالاپ-تىلەكتەرىنە جاۋاپ بەرەتىن وزىق مەملەكەت قۇرۋىمىز كەرەك. باسقارۋ جۇيەسىنىڭ تيىمدىلىگى جۇمىستىڭ بارىسىمەن ەمەس، تۇپكى ناتيجەمەن ولشەنەتىن بولادى.
مەملەكەتتىك اپپارات بيزنەسپەن، ۇكىمەتتىك ەمەس ۇيىمدارمەن جانە ازاماتتارمەن تىعىز جۇمىس ىستەۋگە باسا نازار اۋدارۋعا ءتيىس. سول ارقىلى ەل مۇددەسىنە ساي ءتيىمدى شەشىمدەر قابىلدانىپ، حالىققا كورسەتىلەتىن قىزمەت ساپاسى جاقسارا تۇسەدى.
مەملەكەتتىك قىزمەتكەرلەر بارىنشا اشىق جۇمىس جۇرگىزىپ، حالىققا شىنايى ەسەپ بەرۋى كەرەك.
مەملەكەتتىك قىزمەت دەگەنىمىز – جەكە باستىڭ باق-داۋلەتىن ارتتىراتىن جەر ەمەس. بۇل – تۋعان حالقىڭنىڭ الدىندا ايرىقشا جاۋاپكەرشىلىك ارقالاۋ دەگەن ءسوز.
كونستيتۋسيالىق رەفورما بۇكىل قۇقىق سالاسىن جاڭعىرتۋعا جول اشادى. پارلامەنت پەن ۇكىمەت كونستيتۋسياعا ەنگىزىلگەن وزگەرىستەرگە ساي زاڭناماعا ءتيىستى وزگەرتۋلەر ەنگىزۋى قاجەت. قازاقستاندا ءتيىمدى قۇقىق قورعاۋ جانە سوت جۇيەسىن قۇرۋعا مۇمكىندىك بەرەتىن رەفورمالار ازىرلەنۋگە ءتيىس. مۇنى الەمدىك تاجىريبەنى ەسكەرە وتىرىپ جۇزەگە اسىرعان ءجون.
ءبىز قوعامنىڭ جانە بيزنەس وكىلدەرىنىڭ ءوز قۇقىقتارى مەن زاڭدى مۇددەلەرىن قورعاۋعا سۇرانىسى ارتا تۇسكەنىن كورىپ وتىرمىز. ەلىمىزگە ازاماتتار مەن كاسىپكەرلەردى بارىنشا قورعايتىن قۇقىق جۇيەسى قاجەت. زاڭنامادا مەملەكەتىمىزدىڭ تۇراقتى دامۋىن تەجەيتىن ەشبىر كەدەرگى قالماۋعا ءتيىس. زامان تالابىنا ساي كەلمەيتىن جانە كۇمان تۋعىزاتىن نورمالاردىڭ ءبارى كۇشىن جويۋعا ءتيىس»، - دەدى قاسىم-جومارت توقايەۆ.