كونستيتۋسياعا ەنگىزىلەتىن تۇزەتۋلەر ەلدىڭ ساياسي جۇيەسىن تۇبەگەيلى وزگەرتەتىن قادام

باستى يدەيا ازاماتتىڭ مۇددەلەرى باستى ورىنعا شىعادى

بۇقارالىق اقپارات قۇرالدار بەتتەرىندە مەملەكەت باسشىسى توقايەۆتىڭ قازاقستاندا كونستيتۋسياعا ەنگىزىلەتىن تۇزەتۋلەر جوباسى بويىنشا رەفەرەندۋم وتكىزۋ تۋرالى ۇسىنىسى جارىق كوردى. وسىعان وراي سەنات دەپۋتاتى اقمارال ءالنازاروۆا پىكىرىن بىلدىرگەن ەدى، دەپ حابارلايدى Almaty-akshamy.kz Malim.kz-كە سىلتەمە جاساپ.

اقمارال ءالنازاروۆا، سەنات دەپۋتاتى:
– رەفەرەندۋمدار كوبىنەسە ماڭىزدى زاڭ اكتىسىن، قۇجاتتى، كونستيتۋسياعا تۇزەتۋلەردى قابىلداۋ ءۇشىن وتكىزىلەدى. كونستيتۋسياعا بۇل تۇزەتۋلەر ىرگەلى سيپاتقا يە جانە ەلدىڭ ساياسي جۇيەسىن تۇبەگەيلى وزگەرتەتىن قادام.
ءوز باسىم بۇل ۇسىنىستى قۇپتارلىق دەپ كورەم، سەبەبى بۇل رەفەرەندۋم پرەزيدەنتىمىزدىڭ «حالىقتىڭ ۇنىنە قۇلاق اساتىن مەملەكەت» كونسەپسياسىنىڭ جالعاسى رەتىندە سياقتى. ونداعى باستى يدەيا ازاماتتىڭ مۇددەلەرى باستى ورىنعا شىعاتىن، وندا مەملەكەتتىك ورگانداردىڭ ازاماتتارمەن ءوزارا ارەكەتتەسە وتىرىپ، ازاماتتاردىڭ شەشىم قابىلداۋ جانە ولاردىڭ باقىلاۋ پروسەسىنە تارتىلۋىنا مۇمكىندىك بەرەتىن كەدەرگىسىز مەملەكەت قۇرۋ دەپ بىلەمىن.
كونستيتۋسياعا تۇزەتۋلەردى رەفەرەندۋم وتكىزۋ ارقىلى ەنگىزۋ، بۇل حالىقتىڭ ەرىك ءبىلدىرۋىنىڭ جارقىن كورىنىسى. سەبەبى ءاربىر ازامات «جاڭا قازاقستاننىڭ» قۇرىلىسىنا قاتىسا الادى.