كونستيتۋسياعا ەنگىزىلەتىن وزگەرىستەر ءار قازاقستاندىق ءۇشىن ماڭىزدى – كۇنزيرا لايىق

رەفەرەندۋمنىڭ ءمان-ماڭىزىن تۇسىنگەن وقىتۋشىلار ەلدەگى ساياسي وزگەرىس ەڭ الدىمەن داۋىس بەرۋدەن باستالاتىنىن ايتىپ وتىر

رەفەرەندۋمعا بەلسەندى اتسالىسۋ – ەڭ اۋەلى ازاماتتاردىڭ ساياسي قۇقىعى. سوندىقتان ۇسىنىلاتىن جوباداعى وزگەرىستەر دە ەل تۇرعىندارىنىڭ مۇددەسى ءۇشىن بولماق. بۇل رەتتە الدا بولاتىن رەسپۋبليكالىق داۋىس بەرۋدىڭ جۇيەسىن تۇسىندىرگەن ماماندار بۇگىن الماتىداعى «ادىلەت» كوللەدجىندە كەزدەسۋ وتكىزدى، دەپ حابارلايدى Almaty-akshamy.kz Almaty.tv –گە سىلتەمە جاساپ.

ال رەفەرەندۋمنىڭ ءمان-ماڭىزىن تۇسىنگەن وقىتۋشىلار ەلدەگى ساياسي وزگەرىس ەڭ الدىمەن داۋىس بەرۋدەن باستالاتىنىن ايتىپ وتىر.

«رەفەرەندۋم  – بۇل قازاقستان حالقى ءۇشىن وتە ماڭىزدى دەپ ەسەپتەيمىن. ويتكەنى، كونستيتۋسياعا كەيبىر باپتارعا ەنگىزىلەتىن وزگەرىستەر ءار قازاقستاندىق ءۇشىن ماڭىزدى. ءبىز بۇگىن بوستاندىق اۋدانىنىڭ اكىمشىلىگىنەن كەلگەن ادامدارمەن بۇل جايلى تالقىلادىق جانە ءبارىمىز وسى رەفەرەندۋمعا اتسالىسامىز، داۋىس بەرەمىز»، – دەدى «ادىلەت» كوللەدجىنىڭ وقىتۋشىسى كۇنزيرا لايىق.

«بىرىنشىدەن، پارلامەنتتىڭ كۇشەيەتىنىنە قۋانىشتىمىن. بۇل دەگەنىمىز، حالىقتىڭ تاڭداۋ قۇقىعى ەسكەرىلەدى دەگەن ءسوز. البەتتە، ءوز تاعدىرىمىزدى ءوزىمىز تاڭداپ، بۇل رەفەرەندۋمدا داۋىس بەرۋدەن شەتتە قالماۋىمىز قاجەت»، – دەدى قحا-نىڭ مۇشەسى ولەسيا كليمەنكو.