قازاقستاندا كوندومينيۋمدار ىشىندەگى ءتارتىپتى ورناتۋعا جانە جەرگىلىكتى اتقارۋشى ورگانداردىڭ باقىلاۋىن كۇشەيتۋگە باعىتتالعان تۇرعىن ءۇي قاتىناستارى تۋرالى زاڭعا ماڭىزدى وزگەرىستەر ەنگىزىلدى.
بۇل نەگە ماڭىزدى؟

1. كەيىنگى 5 جىلداعى رەفورما جۇرگىزىلگەنىنە قاراماستان، ميب/تبب نىساندارىنداعى مۇلىك يەلەرى مەن باسقارۋشى جانە سەرۆيس سۋبەكتىلەرى اراسىنداعى قىزمەت كورسەتۋ تۋرالى اقپاراتتىڭ جابىقتىعى ءالى دە ساقتالىپ وتىر. بۇل نىساندار كوپپاتەرلى تۇرعىن ءۇي ىشىندەگى قىزمەتتەردى كورسەتۋ ءۇشىن شاعىن بيزنەستى تارتۋدا.

2. مەملەكەتتىك ورگاندارعا كەلىپ ءتۇسىپ جاتقان سۇراقتار مەن شاعىمدارعا سۇيەنە وتىرىپ، جۇمىس توبىنىڭ مۇشەلەرى دە مەنشىك يەلەرىنە اي سايىنعى جانە جىلدىق ەسەپتەردى ۋاقتىلى بەرمەۋ دەرەكتەرىنىڭ ءجيى كەزدەسەتىنىن اتاپ ءوتتى.
   

3. جاعدايدى كۇردەلەندىرىپ تۇرعان تاعى ءبىر ماسەلە – ۇيلەردى ميب-كە نەمەسە باسقارۋشى كومپانيالارعا بەرۋ كەزىندە ەرەجەلەردىڭ ساقتالماۋى جانە جۇيەلى تۇردە بۇزىلۋى بولىپ تابىلادى. ناتيجەسىندە وبەكتىلەردىڭ تەحنيكالىق پايدالانىلۋى مەن كۇتىمى بويىنشا ساباقتاستىق جوعالىپ، باسقارۋ مەن قارجى قۇجاتتامالارى ساقتالمايدى. ميب ءتوراعاسىنىڭ نەمەسە باسقارۋشى كومپانيانىڭ اۋىسۋىنا بايلانىستى ءۇي بەرىلمەگەن جاعدايدا، مەنشىك يەلەرى باستاپقى بۋحگالتەرلىك قۇجاتتارعا، بۋحگالتەريا جۇرگىزۋ باعدارلامالارىنا جانە ەكىنشى دەڭگەيدەگى بانكتەردەگى قارجىلىق قوزعالىس بويىنشا شوت كوشىرمەلەرىنە قول جەتكىزە المايدى.

ەندى جاڭا وزگەرىستەرگە سايكەس بارلىق زاڭدى تۇلعالار (ميب، پيك، ج ش س، باسقارۋشىلار) ءۇشىن مىندەتتى تۇردە:

• ءار ءۇي بويىنشا بولەك ەسەپ جۇرگىزۋ – اعىمداعى جانە جيناق شوتتارىن جەكە اشۋ؛

• قارجىلىق ءتارتىپتى ساقتاۋ؛

• زاڭدا اي سايىنعى تاريفتەردى بەكىتۋ جانە ءار ءۇي بويىنشا تكش اقپاراتتاندىرۋ وبەكتىلەرىنە مالىمەتتەردى بەرۋ كەزىندە جىلدىق شىعىندار سمەتاسىن جينالىسپەن بەكىتۋدىڭ مىندەتتىلىگىنە ۇلكەن نازار اۋدارىلعان؛
• ۋاكىلەتتى ورگاندار مەن اكىمدىكتەرگە باقىلاۋ تەتىكتەرى كۇشەيتىلدى: كوپپاتەرلى تۇرعىن ۇيلەردىڭ تىزىلىمدەرىن جۇرگىزۋ، كوندومينيۋم وبەكتىلەرىنىڭ تىركەلۋىن جانە جەر ۋچاسكەلەرىنىڭ وبەكتىگە قوسىلۋىن، جيناق جانە اعىمداعى شوتتاردىڭ اشىلۋىن جانە بانكتەردە اشۋ قاعيدالارىنا سايكەستىگىن، سونداي-اق كۇردەلى جوندەۋ ماقساتتارىنا جيناقتاردى الۋ ءتارتىبىنىڭ ساقتالۋىن مىندەتتەۋ ەنگىزىلدى؛
• زاڭ كوندومينيۋم وبەكتىلەرىنىڭ تەحنيكالىق جاي-كۇيىن باقىلاۋ، جىل سايىنعى تەكسەرۋ اكتىلەرىنىڭ جانە ءار وبەكت بويىنشا ينۆەنتارلىق ءتىزىمنىڭ بولۋىنا ەرەكشە كوڭىل ءبولدى. بۇل دەرەكتەر بولاشاقتا ءبىرتۇتاس جۇيەدە جيناقتالىپ، كۇردەلى جوندەۋ جۇمىستارىنىڭ ۋاقتىلى جۇرگىزىلۋىن جانە ورتاق مۇلىك قۇرامى بويىنشا ەسەپ جۇرگىزۋدىڭ اشىقتىعىن قامتاماسىز ەتەدى.

وبەكتىلەر تۋرالى تولىق اقپاراتتىڭ قالىپتاستىرىلۋى، ونى ۋاكىلەتتى ورگاندار مەن باسقارۋ جانە كۇتىپ-ۇستاۋ ءۇشىن جاۋاپتى تۇلعالاردىڭ وزەكتەندىرۋى – حالىقتى ارتىق تولەمدەردەن قورعايدى، ورتاق مۇلىككە باقىلاۋ ورناتادى جانە عيماراتتى پايدالانۋ كەزەڭىندە جۇمىستاردىڭ ۋاقتىلى ورىندالۋىن قامتاماسىز ەتەدى.