كومپيۋتەردە ۇزاق ۋاقىت جۇمىس ىستەۋ مەرزىمىنەن بۇرىن ءولۋ ءقاۋپىن 80 پايىزعا ارتتىرادى. عالىمدار بۇل ءقاۋىپتى ازايتۋ بويىنشا ۇسىنىستار بەردى، دەپ حابارلايدى aqshamnews.kz
عالىمدار كەڭسە قىزمەتكەرلەرى اراسىندا سوزىلمالى اۋرۋلار ءقاۋپىن ازايتۋ بويىنشا ۇسىنىستار جاسادى. اقش عالىمدارى جۇرگىزگەن زەرتتەۋگە 6300-دەن استام قاتىسۋشى قاتىسقان. زەرتتەۋ بارىسىندا كەڭسە قىزمەتكەرلەرى اراسىندا سوزىلمالى اۋرۋلار جانە ەرتە ءولىم ءقاۋپىن ازايتۋ جولدارى زەرتتەلگەن.
زەرتتەۋ ناتيجەلەرى بويىنشا، كۇنىنە سەگىز ساعاتتان ارتىق ۋاقىت كومپيۋتەردە ۇزاق وتىرۋ مەرزىمىنەن بۇرىن ءولۋ ءقاۋپىن 80 پايىزعا ارتتىرادى.
الايدا بۇل ماسەلەنىڭ وڭاي جانە ءتيىمدى شەشىمى بار: دەنە بەلسەندىلىگىن ارتتىرۋ ارقىلى ەرتە ءولىم ىقتيمالدىعىن 20 پايىزعا، جۇرەك-قان تامىرلارى اۋرۋلارىنىڭ دامۋ ءقاۋپىن 11 پايىزعا ازايتۋعا بولادى.
عالىمداردىڭ ۇسىنىسى بويىنشا، بۇل ءۇشىن اپتاسىنا كەمىندە 140 مينۋت جەڭىل دەنە جاتتىعۋلارىمەن اينالىسۋ قاجەت. مىسالى، وسىنشا ۋاقىتتى سەرۋەندەۋگە نەمەسە يوگا جاتتىعۋلارىنا ارناۋ جاقسى ناتيجە بەرەدى.
نەمەسە اپتا بويى 75 مينۋت ورتاشا قارقىندىلىقپەن ءجۇزۋ، جۇگىرۋ، فۋتبول جانە باسكەتبول ويناۋ دا پايدالى. جاتتىعۋلاردى ءار ادام ءوز قىزىعۋشىلىعى، دەنساۋلىق كورسەتكىشى جانە مۇمكىندىكتەرىنە قاراي تاڭداي الادى.