«قازاقستاندا كوممۋنالدىق تولەم قىمبات ەمەس»،-دەيدى ساراپشىلار.
Ranking.kz ساراپشىلارى قازاقستاندىقتار ورتالىق ازيا جانە تمد-نىڭ كوپتەگەن ەلدەرىنە قاراعاندا، كوممۋنالدىق تولەمدەرگە جالاقىسىنىڭ از بولىگىن جۇمسايدى دەگەن قورىتىندىعا كەلدى. ەسەپتەۋ كەزىندە ولار 260 مىڭ تەڭگە جالاقىنى مىسالعا العان، ءسويتىپ 55-60 م² پاتەرگە يەسى اي سايىن 16-18 مىڭ تەڭگە شىعىندايتىنىن جازعان، دەپ حابارلايدى اlmaty-akshamy.kz.
«قازاقستانداعى كوممۋنالدىق تولەمدەر ءبىر تازا جالاقىنىڭ 9،7 پايىزىن قۇرايدى. قازاقستاننىڭ كورسەتكىشىنە جاقىن ينديكاتورلار ۆەنەسۋەلا (9،9%)، ارگەنتينا (10%)، پورتۋگاليا (10،8%)، گەرمانيا (10،8%) جانە ۇلىبريتانيا (11،1%) سياقتى ەلدەردە بايقالادى»، - دەپ اتاپ ءوتتى ساراپشىلار.
ولار ۇلتتىق ستاتيستيكا قىزمەتىنىڭ مالىمەتتەرى ۇقساس ەكەنىن ايتتى: شىلدە-قىركۇيەكتە كوممۋنالدىق قىزمەتتەرگە، تۇرعىن ءۇيدى كۇتىپ ۇستاۋعا جانە جوندەۋگە ءبىر ءۇي يەسى ورتاشا ەسەپپەن ايىنا 13 مىڭ تەڭگەدەن ءسال اساتىن قاراجات جۇمساعان. ال جالپى شارۋاشىلىق شىعىندارى ايىنا 307 مىڭ تەڭگە بولعان. ارينە، ەل بولعان سوڭ ارامىزدا اۋقاتتى وتباسىلار دا، كەدەي-كەپشىكتەر دە بار. بۇل ارينە، بىرەۋلەرگە ازعانتاي عانا شىعىن بولۋى مۇمكىن، ەندى بىرەۋلەرگە كادىمگىدەي اۋىرتپاشىلىق تۋدىراتىنى بەلگىلى. قالاي بولعاندا دا، سۋدى، جارىقتى، گازدى ۇنەمدەگەن ادام ۇتادى.