الماتىدا 5-6 ءساۋىر ارالىعىندا جاۋىن-شاشىن تۇسەدى دەپ بولجانىپ وتىر. كوممۋنالدىق قىزمەت كۇشەيتىلگەن جۇمىس رەجيمىنە كوشىرىلدى، دەپ حابارلايدى Aqshamnews.kz الماتى قالاسى كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
5 ءساۋىر تاڭىنان 6 ءساۋىر تۇنگە دەيىن 14 مم-گە دەيىن جاۋىن-شاشىن، 15-20 م/س ەكپىندى جەلمەن بىرگە نايزاعاي كۇتىلەدى. تاۋلى ايماقتا قار ارالاس جاڭبىر جاۋۋى ىقتيمال.
ىقتيمال سۋ باسۋدىڭ الدىن الۋ جانە سالدارىن جويۋ ماقساتىندا كوممۋنالدىق قىزمەتتىڭ، قۇتقارۋ قىزمەتى مەن تجد-نىڭ بارلىق تەحنيكاسى ءازىر. 4200 قاپ قۇم دايىندالعان.
سۋ باسۋى مۇمكىن ۋچاسكەدە تۇنگى ۋاقىتتان باستاپ اسسەنيزاتور ماشيناسى مەن موتوپومپا جابدىقتالعان بريگادالار كەزەكشىلىك اتقارادى.
سونىمەن قاتار، جاۋىن-شاشىن كەزەڭىندە جەرگىلىكتى سۋ باسۋدىڭ الدىن الۋ جانە ولاردى جويۋ ءۇشىن موتوپومپالار مەن ارنايى قۇرالدارمەن جابدىقتالعان جەدەل بريگادالار جۇمىس ىستەيدى.