كوممۋنالدىق قىزمەت اقىسى تاعى دا قىمباتتادى

سۋ تارتۋ قىزمەتتەرىنىڭ باعاسى جىلىنا 33،9%-عا ءوستى.

اقپان ايىنىڭ سوڭىندا قازاقستاندا اقىلى قىزمەتتەر جىلىنا 12،8%-عا قىمباتتاعان، دەپ حابارلايدى Almaty-akshamy.kz

Finprom.kzء-تىڭ زەرتتەۋىنشە، وسى كەزەڭدە سۋ تارتۋ قىزمەتتەرىنىڭ باعاسى جىلىنا 33،9%-عا ءوستى، بۇل باسقا كوممۋنالدىق قىزمەتتەرگە قاراعاندا جوعارى بولىپ وتىر. وسىعان ۇقساس باعانىڭ ءوسۋى مىناداي كوممۋنالدىق قىزمەتتەردە دە بايقالادى:

ورتالىقتاندىرىلعان جىلىتۋ – 30،9%؛

سالقىن سۋ – 30،8%؛

قوقىس شىعارۋ – 30،7%؛

ىستىق سۋ – 29،4%؛

ەلەكتر ەنەرگياسى – 19،9%.

جوعارىدا اتالعان قىزمەتتەردىڭ باعاسىنىڭ ءوسۋى قىزمەت كورسەتۋ سالاسىنداعى ورتاشا باعانىڭ وسۋىنەن بىرنەشە ەسە جوعارى.

ال ۇيالى بايلانىس قىزمەتتەرىنىڭ باعاسى ءبىر جىل ىشىندە 12،4%-عا ءوستى.

قىزمەت كورسەتۋشىلەر باعانى كوتەرۋ سەبەبى – ينۆەستيسيا. كوممۋنالدىق قىزمەتتەر مەن بايلانىس سالاسى كوپ قارجىنى، ينۆەستيسيانى قاجەت ەتەتىن سالالار. ينۆەستيسيانىڭ بولماۋى ەكىباستۇز، ريددەر جانە ەلىمىزدىڭ باسقا دا ەلدى مەكەندەرىندە ورىن العان اپاتتى جاعدايلارعا الىپ كەلەدى.

ينۆەستيسيالار نەگىزگى قورلاردى جاڭارتۋ، توزۋ كورسەتكىشىن قىسقارتۋ، اپات ءقاۋپىن تومەندەتۋ، سونداي-اق جاڭا ەنەرگكي قۋاتتارىن ىسكە قوسۋ ءۇشىن قاجەت. ەسكە سالايىق، ەلىمىزدە بىلتىردان بەرى "ينۆەستيسياعا ايىرباس ءتاريفى" مەملەكەتتىك جوباسى جۇمىس ىستەيدى. سونىڭ نەگىزىندە كوممۋنالدىق كاسىپورىندار باعانى كوتەرەدى.

2023 جىلعى قاڭتار-جەلتوقسان ايلارى ارالىعىندا ەلەكترمەن جابدىقتاۋ، گاز، بۋ بەرۋ جانە اۋا باپتاۋ سەكتورىنداعى نەگىزگى كاپيتالعا سالىنعان ينۆەستيسيا ءبىر جىلدا 56،3%-عا ءوسىپ، 1،2 ترلن تەڭگەگە جەتتى. ءوال سۋمەن جابدىقتاۋ، كارىز جۇيەسى، قالدىقتاردى جيناۋ مەن ءبولۋدى باقىلاۋ سەكتورىندا نەگىزگى كاپيتالعا سالىنعان ينۆەستيسيا ءبىر جىلدا 23،6 پايىزعا ءوسىپ، 598،6 ملرد تەڭگەنى قۇرادى.

2023 جىلعى قاڭتار-جەلتوقساندا بايلانىس وپەراتورلارىنىڭ ينۆەستيسياسى 2،5 ەسە ءوسىپ، رەكوردتىق 451،7 ملرد تەڭگەگە جەتتى. بايلانىس قىزمەتتەرىنىڭ باعاسى 2023 جىلى نەبارى 12،4%-عا ءوستى، ال سالاعا سالىنعان ينۆەستيسيا بىرنەشە ەسە ارتتى.