باعاعا كومىر ورىندارىنىڭ الىستىعى مەن ديزەلدىڭ قۇنى اسەر ەتەدى.
يندۋستريا مينيسترلىگى كومىردى ەرتەرەك ساتىپ الۋعا كەڭەس بەردى، دەپ حابارلايدى aqshamnews.kz
ونەركاسىپ مينيسترلىگى جانىنداعى ونەركاسىپ كوميتەتى ءتوراعاسىنىڭ ورىنباسارى تۇرار جولماعامبەتوۆ قازاقستان تەمىر جولى كومىر تاسىمالداۋعا تولىق دايىن ەكەنىن ايتتى.
"ەگەر حالىق كۇننىڭ سۋىتقانىن كۇتىپ جاپپاي سول كەزدە ساتىپ الۋعا كىرىسسە وندا پروبلەما بولادى. كومىردىڭ ءبىر تۇيىعى 100 كولىكتەن ارتىق قىزمەت كورسەتە المايدى. كۇن سۋىتىپ، سۇرانىس 500 كولىككە جەتكەندە ايماقتىق وپەراتورلاردىڭ قىزمەت كورسەتۋگە مۇمكىندىگى بولمايدى"، - دەپ ءتۇسىندىردى جولماعابەتوۆ.
ول سونداي-اق قازاقستانداعى كومىردىڭ قۇنى تۋرالى ايتتى. نەگىزگى جەتكىزۋشىلەر: "شۇباركول كومىر" - 8 مىڭ تەڭگە (16،8 دوللار)، ءوسىم 900 تەڭگە (1،8 دوللار)؛ "قاراجىرا" - 8،7 مىڭ تەڭگە (18،2 دوللار)، 200 تەڭگەگە ءوسىم (0،42 دوللار)؛ "مايكۋبەن-ۆەست" - 7 750 تەڭگە (16،2 دوللار)، ءوسىم 650 تەڭگە (1،3 دوللار)؛ "شۇباركول پرەميۋم" - 9 مىڭ تەڭگە (18،9 دوللار).
«سونىمەن قاتار قازاقستاندىقتار وڭىرلىك كومىر وپەراتورلارىنا جۇگىنەتىن وڭىرلەردە باعالار 8 مىڭ تەڭگەدەن (16،8 دوللار) 26 مىڭ تەڭگەگە (54،6 دوللار) دەيىن اۋىتقيدى. باعاعا كومىر ورىندارىنىڭ جاقىندىعى مەن ديزەل وتىنىنىڭ قۇنى اسەر ەتەدى. باسقا دا ءبىرقاتار فاكتورلار بار»، دەدى كوميتەت وكىلى.
قازاقستان كومىر ءوندىرۋ مەن بارلاۋ بويىنشا الەمنىڭ وندىعىنا كىرەدى.