تاس كومىر ەلەۋلى ءارى ماڭىزدى تاۋارلار تىزىمىنە ەنگىزىلۋى مۇمكىن. بۇل تۋرالى اشىق تالقىعا شىعارىلعان ساۋدا جانە ينتەگراسيا مينيسترلىگىنىڭ بۇيرىعىندا جازىلعان، دەپ حابارلايدى Almaty-akshamy.kz Inform.kz-كە سىلتەمە جاساپ.
«ەلەۋلى ماڭىزدى تاۋارلار تىزبەسىن بەكىتۋ تۋرالى» ۇلتتىق ەكونوميكا ءمينيسترىنىڭ بۇيرىعى مىناداي مازمۇنداعى جولدارمەن تولىقتىرىلسىن: تاس كومىر، بريكەتتەر، تاس كومىردەن الىنعان تۇيىرشىكتەر جانە قاتتى وتىننىڭ ۇقساس تۇرلەرى، ليگنيت نەمەسە گاگاتتان باسقا اگلومەرلەنگەن نەمەسە اگلومەرلەنبەگەن قوڭىر كومىر»، - دەلىنگەن وزگەرىس ەنگىزىلگەلى وتىرعان بۇيرىق جوباسىندا.
قۇجات «اشىق» نقا پورتالىندا جاريالاندى. ونى تالقىلاۋ 12 جەلتوقسانعا دەيىن جالعاسادى.