«كولساي كولدەرى» مەملەكەتتىك ۇلتتىق تابيعي پاركىندە اباتتاندىرۋ جۇمىستارى اياقتالدى. بۇل تۋرالى وكق بريفينگىندە «كولساي كولدەرى» مەملەكەتتىك ۇلتتىق تابيعي پاركى ديرەكتورىنىڭ ورىنباسارى حاميت احمەتوۆ كەڭىرەك ايتىپ بەردى، دەپ حابارلايدى almaty-akshamy.kz
«كولساي كولدەرى» ۇلتتىق پاركى 2007 جىلى الماتى وبلىسىنىڭ كەگەن جانە تالعار اۋداندارىنىڭ اۋماعىندا قۇرىلعان. ونىڭ جالپى اۋدانى-161 045 مىڭ گەكتار. ونىڭ ىشىندە كەگەن اۋدانى بويىنشا-148256، تالعار اۋدانى بويىنشا-12807 گەكتار. ۇلتتىق پارك تاۋشەلەك، قۇرمەت، كولساي، قارابۇلاق ورمانشىلىقتارىنان تۇرادى.
«2023 جىلدىڭ باسىنان بەرى ساياباق اۋماعىندا 99 توپتىق رەيد جۇرگىزىلدى. تەكسەرۋ ناتيجەسىندە پارك قىزمەتكەرلەرى دەمالۋشىلار اراسىنان 47 بۇزۋشىلىقتى انىقتاپ، ولارعا 405 375 تەڭگە كولەمىندە ايىپپۇل سالىندى. زالال سوماسى 30 015 تەڭگەنى قۇرادى»، - دەدى ح. احمەتوۆ.
تۋريستەردىڭ قاۋىپسىزدىگىن قامتاماسىز ەتۋ ءۇشىن «ساتى اۋىلى - قايىڭدى كولى» تۋريستىك باعىتىن اباتتاندىرۋ كەزىندە قوسىمشا جول بەلگىلەرى، كۇركەلەر مەن ورىندىقتار ورناتىلدى. الماتى وبلىسىنىڭ تۋريزم باسقارماسىنىڭ قاراجاتى ەسەبىنەن باقىلاۋ الاڭى، كۇركە-شاتىرلار، ورىندىقتار مەن كوپىرلەر سالىنۋدا. كولساي، قايىڭدى كولدەرىندە 30 قوقىس جاشىگى مەن 16 ۇلكەن قوقىس باگى ورناتىلدى.
«تومەنگى كولساي كولى-سارىبۇلاق اسۋى» تۋريستىك مارشرۋتىنىڭ سول جاعالاۋىندا دەمەۋشىلەردىڭ كومەگىمەن ۇزىندىعى 370 مەتر بولاتىن جاياۋ جۇرگىنشىلەر جولى سالىندى، ولاردىڭ بويىندا ورىندىقتار مەن ۋرنالار ورناتىلدى. الماتى وبلىسىنىڭ تۋريزم باسقارماسىنىڭ قاراجاتى ەسەبىنەن تومەنگى كولساي كولىنە اپاراتىن جاياۋ جۇرگىنشىلەرگە ارنالعان اينالما جول سالىنۋدا.
سونىمەن قاتار، 2023 جىلدىڭ كوكتەمىندە بارلىعى 95 080 دانا «شرەنكا» شىرشاسىنىڭ كوشەتتەرى وتىرعىزىلدى - 13،9 گەكتارعا 55 600 كوشەت، تيىسىنشە 9،87 گەكتار جەرگە 39 480 كوشەت وتىرعىزىلدى. كولساي ورمانشىلىعىنان 0،06 گەكتار القاپقا شىرشا تۇقىمىن سەبەتىن ۋاقىتشا ورمان تۇقىمى ۋچاسكەسى ۇيىمداستىرىلدى. 2019-2023 جىلدار ارالىعىندا 57،5 گەكتار القاپقا ورمان كوشەتتەرى وتىرعىزىلدى.
«تۋريستىك نىسانداردا 2 اعاش كۇركە (شاتىر) ورناتىلدى، قايىڭدى كولىنىڭ جاياۋ جۇرگىنشىلەر جانە ات جولىنىڭ قورشاۋلارى جاڭارتىلدى، وسى نىسانداردا اكتەپ-سىرلاۋ جۇمىستارى جۇرگىزىلدى. ۇلتتىق پارك اۋماعىندا 10 سانيتارلىق-گيگيەنالىق قوندىرعى ورنالاسقان، ونىڭ 4ء-ۋى تومەنگى كولساي كولىندە، 2ء-ۋى قايىڭدى كولىندە جۇمىس ىستەيدى»، - دەپ جالعاستىردى سپيكەر.
ۇلتتىق ساياباقتىڭ اۋماعىندا سۇتقورەكتىلەردىڭ كەلەسى تۇرلەرى مەكەندەيدى: بۇعى (640)، ەلىك (397)، ءسىبىر تاۋ ەشكىسى (584)، قابان (646)، ارقار (26). قىزىل كىتاپقا ەنگىزىلگەن جانۋارلاردىڭ ىشىندە تيان-شان قوڭىر ايۋى (22)، قار بارىسى (18)، تۇركىستان سىلەۋسىنى (64) مەكەندەيدى.
ۇلتتىق پارك قىزمەتكەرلەرى مەملەكەتتىك ينسپەكتورلاردى، ەلدى مەكەندەردىڭ تۇرعىندارىن، وقۋشىلاردى، جوو ستۋدەنتتەرىنىڭ ەكولوگيالىق ساۋاتىن ارتتىرۋ بويىنشا جۇمىستار جۇرگىزۋدە. اعىمداعى جىلى جوعارى وقۋ ورىندارى مەن مەكتەپتەردە 25 ساباق وتكىزىلدى.
«جىل سايىن «پاركتەر شەرۋى» اكسياسى وتكىزىلەدى. بيىل وعان 9 مەكتەپتەن 141 وقۋشى قاتىستى. ۇيىمداستىرىلعان كونكۋرستاردىڭ قورىتىندىسى بويىنشا 27 وقۋشى باعالى سىيلىقتارمەن ماراپاتتالدى، 12 وقۋشى ىنتالاندىرۋ گراموتالارىن الدى. حالىقارالىق تۋريزم كۇنىنە وراي، 27 قىركۇيەكتە مەرەكەلىك ءىس - شارا ۇيىمداستىرىلدى، ونىڭ بارىسىندا ۇلتتىق پارك اۋماعىندا تۋريزم سالاسىن دامىتۋعا ۇلەس قوسقان جەكە كاسىپكەرلەر ماراپاتتالدى، ال مەكەمە قىزمەتكەرلەرى اراسىندا سپورتتىق ۆولەيبولدان جارىستار وتكىزىلدى»، - دەپ ءبولىستى سپيكەر.
ونىڭ دەرەكتەرى بويىنشا ۇلتتىق پارك شتاتىندا بارلىعى 126 ادام جۇمىس ىستەيدى: مەملەكەتتىك ينسپەكتورلار - 111، ونىڭ ىشىندە: ورمانشىلار - 4، ورمانشىلاردىڭ كومەكشىلەرى - 2، ورمان شەبەرلەرى - 17، مەملەكەتتىك ينسپەكتورلار - 71.
ۇلتتىق ساياباقتىڭ اۋماعىندا تۋريستىك فيرمالار ۇنەمى جۇمىس ىستەيدى. 9 تۋريستىك فيرمامەن كەلىسىمشارتتار جاسالدى. 2022 جىلى ۇلتتىق پارككە 210 269 ادام كەلدى.