الماتى وبلىسىندا Toyota Land cruser Prado كولىگىنىڭ جۇرگىزۋشىسى ءبىر مەزەتتە 32 قويدى قاققان. وقيعا اقساي-شونجى-قالجات تاس جولىندا بولعان دەپ حابارلايدى Almaty-akshamy.kz Inform.kz-كە سىلتەمە جاساپ.
الماتى وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، جول-كولىك وقيعاسى تاڭعى 07-لەر شاماسىندا بولعان. جۇرگىزۋشى قاتتى جىلدامدىقپەن كەلە جاتىپ جولعا شىققان ءبىر وتار قويدى بايقاماي قالعان. سونداي اق ول وقيعا ورنىنان بوي تاسالاماق بولعان. كۇدىكتى جىلدام تابىلدى. سونداي-اق ونىڭ 2018 جىلى جۇرگىزۋشى كۋالىگىنەن ايرىلعانى بەلگىلى بولدى. ۇيعىر اۋداندىق سوتى ونى كىنالى دەپ تاۋىپ، 25 كۇنگە قاماپ 9 جىلعا كولىك جۇرگىزۋگە تىيىم سالدى. جۇرگىزۋشى ءوز كىناسىن مويىنداپ شىعىندى وتەپ بەرۋگە كەلىسىمىن بەردى.
«كولىكتى 25 جاستاعى تالعار اۋدانىنىڭ تۇرعىنى جۇرگىزگەن. ونىڭ ماشينانى ىشىمدىك ءىشىپ جۇرگىزگەنى ارنايى مەديسينالىق تەكسەرۋ ارقىلى دالەلدەندى. اتالعان فاكتىگە سايكەس اكىمشىلىك كودەكستىڭ 608 جانە 610 باپتارى بويىنشا حاتتاما تولتىرىلىپ، جۇرگىزۋشى ۋاقىتشا ۇستاۋ يزولياتورىنا قاماۋعا الىندى»،- دەلىنگەن الماتى وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.