سونىمەن قاتار، ءتارتىپ ساقشىلارى اۆتوكولىكتى ساتىپ الۋشى مەن ساتۋشىنى ءبىر ۋاقىتتا الداعان ادامنىڭ اۋديو جازباسىن ۇسىندى.
"كولىگىن ساتقىسى كەلگەن اقتوبەلىك بۇل تۋرالى تانىمال سايتتا حابارلاندىرۋ جاريالايدى. وعان ءوزىن "ارتۋر" دەپ تانىستىرعان ادام حابارلاسادى. ەر ادام كولىكتەردى ساتىپ الىپ، قايتا ساتۋمەن اينالىساتىنىن ايتىپ، ءوز تۇتىنۋشىلارىنىڭ ءبىرى ونىڭ كولىگىنە قىزىعۋشىلىق تانىتقانىن ايتادى. ول اۆتوكولىك يەسىنىڭ نارىقتىق قۇننان جوعارى اتاعان باعاسىنا تەز كەلىسىپ، ودان سايتتاعى سۋرەت پەن حابارلاندىرۋدى دەرەۋ ارادا جويۋدى سۇرايدى. ەر ادام مۇنى بىلاي تۇسىندىرەدى: ول سايتتاعى جارنامانى كورمەۋى ءتيىس تۇتىنۋشىسىنا سۋرەتتى ۇسىنادى، ويتكەنى ول كولىكتىڭ باعاسىنا تاعى ۇستەمە اقى قوسادى. كولىك يەسى ەشنارسەدەن كۇدىكتەنبەستەن ونىڭ بارلىق شارتىن ورىندايدى".اقتوبە وبلىسى پد باسپا ءسوز قىزمەتى
وسىدان كەيىن قاسكوي جارناما سايتىنا ول كولىكتى قايتا ورنالاستىرادى، ءبىراق ءوز اتىنان جانە باعانى نارىقتىق باعادان تومەن كورسەتەدى. حابارلاندىرۋعا اقتوبەلىك جاس جىگىت قىزىعۋشىلىق تانىتادى.
"ول تەلەفون ارقىلى "ساتۋشىمەن" بايلانىسۇا شىعىپ، بارلىق مالىمەتتى تالقىلاپ، كولىكتى كورۋگە نيەت بىلدىرەدى. وتىرىكشى-ساتۋشى وعان كولىكتىڭ تۋىسىنىڭ ءۇيىنىڭ اۋلاسىندا تۇرعانىن ايتادى. سودان كەيىن ول دەرەۋ اۆتوكولىك يەسىنە-ساتۋشىعا قوڭىراۋ شالىپ، ساتىپ الۋشىنى وعان جىبەرگەنىن جەتكىزەدى. سونداي-اق الاياق ناقتى ساتۋشىعا ءوزىن تۋىسى دەۋىن، ساتىپ الۋشىنىڭ اۆتوكولىكتىڭ جاعدايى مەن باعاسىنا قاتىستى سۇراقتارىنا جاۋاپ بەرمەۋىن، كولىكتىڭ يەسى "ارتۋر" ەكەنىن، سوندىقتان بارلىق سۇراقتاردى سوعان قويۋ كەرەكتىگىن ايتۋدى تاپسىرادى. الاياق ساتىپ الۋشى اقشا اۋدارعان سوڭ ءوز ۇلەسىن الىپ قالىپ، قالعان بولىگىن بىردەن اۆتوكولىك يەسىنىڭ شوتىنا اۋداراتىنىن ايتىپ سەندىرەدى"، دەپ جازدى اقتوبە وبلىسى پد باسپا ءسوز قىزمەتى.
بۇل جاعدايدا ساتۋشى دا، ساتىپ الۋشى دا وزدەرىن الاياق الداپ جۇرگەنىن اڭعارماعان. ساتىپ الۋشى ناقتى ساتۋشىنىڭ قاسىندا وتىرىپ، ونىڭ كەلىسىمىمەن جالعان ساتۋشى-الاياقتىڭ شوتىنا اۆتوكولىك اقىسىن اۋدارعان.
"الدانعان ساتۋشى مورالدىق شىعىنعا ۇشىرادى، ال ساتىپ الۋشى اقشاسىز ءارى كولىكسىز قالدى. الاياقتىق فاكتىسى بويىنشا ق ر قك-نىڭ 190-بابى بويىنشا قوزعالعان قىلمىستىق ءىس شەڭبەرىندە تەرگەۋ شارالارى جۇرگىزىلۋدە"، دەلىنگەن اقتوبە وبلىسى پد باسپا ءسوز قىزمەتىنىڭ حابارلاماسىندا.