2024 جىلعى 23 ساۋىردەن باستاپ ەلىمىزدىڭ مامانداندىرىلعان حقكو-لارىندا كولىك قۇرالدارىن تىركەۋ بارىسىندا مىندەتتى نوتارياتتىق كۋالاندىرىلعان كولىكتى ساتىپ الۋ-ساتۋ شارتتارىن قابىلدايتىن بولادى. بۇل رەتتە مامىلەنىڭ جازباشا نىسانى جويىلادى، دەپ حابارلايدى اlmaty-akshamy.kz.
«ازاماتتارعا ارنالعان ۇكىمەت» مەملەكەتتىك كورپوراسياسى» كەاق-تىڭ بقو بويىنشا فيليالىنىڭ باسپا ءسوز قىزمەتىنەن ءمالىم ەتكەنىندەي، بۇل وزگەرىستەر مەملەكەتتىك قىزمەت كورسەتۋ كەزىندە اشىقتىقتى قامتاماسىز ەتۋگە باعىتتالعان.
ەگەر ازاماتتار قايتا تىركەۋ ءۇشىن كولىكتى ساتىپ الۋ-ساتۋ مامىلەلەرىن نوتاريالدى كۋالاندىرعىسى كەلمەگەن جاعدايدا، ولار ەكىنشى دەڭگەيدەگى بانكتەردىڭ قوسىمشالارى ارقىلى كولىك قۇرالىن ونلاين قايتا راسىمدەي الادى.
سونىمەن قاتار، 23 ساۋىردەن باستاپ جۇرگىزۋشى كۋالىگىن الۋعا ۇمىتكەرلەر ەمتيحاندى تەك اۆتومەكتەپتى بىتىرگەننەن كەيىن عانا تاپسىرا الادى. ا جانە ۆ، سونداي-اق ا1 جانە ۆ1 ساناتىنداعى كۋالىكتەرگە ۇمىتكەر جۇرگىزۋشىلەردىڭ ءوزىن-وزى دايارلاۋ ارقىلى ەمتيحان تاپسىرۋىنا مۇمكىندىك بەرەتىن تارماقتار ەمتيحانداردى قابىلداۋ جانە جۇرگىزۋشى كۋالىكتەرىن بەرۋ قاعيدالارىنان الىنىپ تاستالدى.
«ەنگىزىلگەن جاڭاشىلدىقتار كولىك قۇرالدارىن تىركەۋ جانە ەسەپكە الۋ، سونداي-اق جۇرگىزۋشىلەردى دايارلاۋ قاعيدالارىنا وزگەرىستەر مەن تولىقتىرۋلار ەنۋىنىڭ ارقاسىندا مۇمكىن بولدى. بۇل اكىمشىلىك پروسەستەردىڭ تيىمدىلىگىن ارتتىرۋعا جانە جول قوزعالىسى قاۋىپسىزدىگىنىڭ جوعارى دەڭگەيىن قامتاماسىز ەتۋ ءۇشىن قاجەت. وزگەرىستەر «جول قوزعالىسى تۋرالى» ق ر زاڭىنىڭ ەرەجەلەرىنە نەگىزدەلىپ، ق ر ءىىم اكىمشىلىك پوليسيا كوميتەتىمەن ازىرلەندى. قاعيداعا بارلىعى 53 تۇزەتۋ ەنگىزىلدى. تۇزەتۋلەر جاريا تالقىلاۋدان، سىبايلاس جەمقورلىققا قارسى ساراپتامادان ءوتتى جانە ىشكى ىستەر ورگاندارى مەن «اتامەكەن» ق ر ۇلتتىق كاسىپكەرلەر پالاتاسىنىڭ قىزمەتى جونىندەگى قوعامدىق كەڭەسپەن ماقۇلداندى. «ازاماتتارعا ارنالعان ۇكىمەت» بارلىق كولىك يەلەرى مەن جۇرگىزۋشى كۋالىگىن الۋعا ۇمىتكەرلەردى جاڭا ەرەجەلەرمەن تانىسۋعا كەڭەس بەرەدى. جاڭارتىلعان ەرەجەلەردىڭ تولىق ماتىنىمەن پورتالدا تانىسۋعا بولادى: https://adilet.zan.kz/kaz/docs/V2400034240»، دەپ حابارلادى ۆەدومستۆودان.