الماتىدا ناۋرىز مەيرامىنا ارنالعان مەرەكەلىك شارالاردى ۇيىمداستىرۋ جانە وتكىزۋ اياسىندا كولىك قوزعالىسىنا ۋاقىتشا شەكتەۋلەر ەنگىزىلەدى.
وسىلايشا، 19-23 ناۋرىز ارالىعىندا تولە بي كوشەسىنىڭ نازاربايەۆ داڭعىلىنان ابىلاي حان كوشەسىنە دەيىنگى بولىگى جابىلادى.
وسىعان بايلانىستى اتالعان كەزەڭدە 10 قوعامدىق كولىك باعىتىنىڭ قوزعالىس سىزباسىنا وزگەرىستەر ەنگىزىلدى.
بۇل №16، 37، 48، 126، 201، 205، 206، 209، 210 جانە 224 ءنومىرلى مارشرۋتتار. استانا الاڭىن شىعىس باعىتتا اينالىپ ءوتۋ قابانباي باتىر كوشەسى ارقىلى، ال باتىس باعىتتا بوگەنباي باتىر كوشەسى ارقىلى جۇزەگە اسىرىلادى. سونىمەن قاتار، №16 جانە №126 مارشرۋتتارى كورسەتىلگەن ۋچاسكەنى گوگول كوشەسى ارقىلى اينالىپ وتەدى.
بۇعان قوسا، 22 ناۋرىز كۇنى ساعات 6:00-دەن 11:30-عا دەيىن نازاربايەۆ داڭعىلىنان دوستىق داڭعىلىنا دەيىنگى اباي داڭعىلى ۋاقىتشا جابىلادى.
وسى شەكتەۋلەردى ەسكەرە وتىرىپ، جول باعىتىڭىزدى الدىن الا جوسپارلاۋدى جانە بالاما باعىتتاردى تاڭداۋدى سۇرايمىز.