كولىك قوزعالىسى ۋاقىتشا جابىلادى

الماتىنىڭ جەتىسۋ اۋدانىندا جىلۋ جەلىلەرىنە جوندەۋ جۇمىستارىن جۇرگىزۋ ءۇشىن پاۆلودار كوشەسىنىڭ بويىنداعى ۋچاسكەلەردىڭ بىرىندە كولىك قوزعالىسى ۋاقىتشا جابىلادى

الماتىدا جىلۋ جەلىلەرىندەگى جوندەۋ جۇمىستارى كەزىندە پاۆلودار كوشەسىنىڭ بويىمەن كولىكتەردىڭ جۇرۋىنە ۋاقىتشا شەكتەۋ قويىلادى

الماتىدا 1981 جىلدان بەرى پايدالانىلىپ كەلە جاتقان قۇبىردى اۋىستىرۋ ءۇشىن پاۆلودار كوشەسىندە كولىك قوزعالىسى شەكتەلمەك

الماتى قالاسىنىڭ جەتىسۋ اۋدانىندا 8 تامىزداعى ساعات 23:00-دەن 19 تامىزداعى 12:00 ارالىعىندا پاۆلودار كوشەسىنىڭ بويىمەن ماقاتايەۆ كوشەسىنەن باستاپ پاۆلودار كوشەسىندەگى  №136  ۇيگە دەيىنگى ارالىقتا كولىك قوزعالىسى شەكتەلەدى. ەكى باعىتتا دا كولىك قوزعالىسى جابىلادى.  

ۋاقىتشا شەكتەۋلەر 1981 جىلدان بەرى پايدالانىلىپ كەلەل جاتقان، پاۆلودار كوشەسىندەگى جول بولىگىنىڭ استىنان وتەتىن ۇزىندىعى 2135 مەترلىك قۇبىردى جاڭعىرتۋ ۋچاسكەسىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن ەنگىزىلمەك. 

بۇل قۇبىر 344 كوپپاتەرلى تۇرعىن ءۇيدى، 11 ءبىلىم بەرۋ نىسانىن، 3 دەنساۋلىق ساقتاۋ نىسانىن جانە 483 باسقا نىساندى جىلۋمەن جانە ىستىق سۋمەن قامتاماسىز ەتەدى .جاڭعىرتۋ جۇمىستارى كەزەڭىندە اتالعان تۇتىنۋشىلار ىستىق سۋمەن بۇرىنعىسىنشا ۇزدىكسىز قامتاماسىز ەتە بەرىلەتىن بولادى.

ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.

ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز.

«الماتى جىلۋ جۇيەسى» ج ش س