تالدىقورعاندا ەكى كۇندە ەكى بالانى كولىك قاعىپ، مەرت قىلدى.
تالدىقورعاندا ەكى كۇندە ەكى بالانى كولىك قاقتى. بۇلدىرشىندەر وقيعا ورنىندا كوز جۇمدى، دەپ حابارلايدى اlmaty-akshamy.kz.
جەتىسۋ وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، ءبىرىنشى جاعداي كوكتال شاعىناۋدانىندا بولعان. كوشەدە ويناپ جۇرگەن ءۇش جاسار بالا اسسينيزاتور كولىگى – گاز-53ء-تىڭ استىندا قالعان. جۇك كولىگىنىڭ رۋلىندە 43 جاستاعى ەر ادام بولىپتى.
ەكىنشى جاعداي تالدىقورعان – ۇشتوبە اينالما جولىندا تىركەلدى. قوعامدىق كولىكتەن تۇسكەن 8 جاسار وقۋشى قىزدى جولدان وتە بەرگەن كەزدە گازەل قاعىپ كەتكەن.
ەكى جاعداي بويىنشا ءىس قوزعاعان ءتارتىپ ساقشىلارى اتا-انالاردى ءوز بالالارىنا ساق بولۋىن ەسكەرتەدى.
«ەكى فاكتىگە قاتىستى قاجەتتى ساراپتامالار تاعايىندالىپ، ق ر قىلمىستىق كودەكسىنىڭ 345-بابى 3-بولىگىندە كوزدەلگەن سوتقا دەيىنگى تەرگەۋ امالدارى جۇرگىزىلۋدە. ەكى كولىك تە ارنايى اۆتوتۇراققا ورنالاستىرىلدى»، - دەلىنگەن جەتىسۋ وبلىستىق پوليسيا دەپارتامەنتىنىڭ باسپا ءسوز قىزمەتى بەرگەن اقپاراتتا.