قازاقستاندا جاڭا قىزمەتتىڭ ەنگىزىلۋىنە بايلانىستى ارنايى حقكو-لاردا ۇزىن-سونار كەزەك پايدا بولدى، - دەپ حابارلايدى aqshamnews.kz ءتىلشىسى.
ەندى قازاقستاندىقتار كولىكتىڭ مەملەكەتتىك تىركەۋ ءنومىرىن سيفرلىق جانە ارىپتىك بەلگىلەرى بويىنشا ءوز قالاۋى بويىنشا تاڭداي الادى. بۇل وزگەرىستەر 2026 جىلعى 1 قاڭتاردان باستاپ كۇشىنە ەندى.
وسىعان بايلانىستى 5 قاڭتاردا ەلىمىزدىڭ ءبىرقاتار وڭىرىندەگى ارنايى حقكو-دا ۇزىن-سونار كەزەك پايدا بولدى.
الەۋمەتتىك جەلىلەردە جاريالانعان ۆيدەولاردا، اسىرەسە اقتاۋ مەن الماتىداعى ارنايى حقكو-لاردا ادام كوپ جينالعانى كورىنەدى.
بۇل جاعدايعا بايلانىستى "ازاماتتارعا ارنالعان ۇكىمەت" مەملەكەتتىك كورپوراسياسىنىڭ باسپا ءسوز قىزمەتى پىكىر ءبىلدىردى. كورپوراسيا مالىمەتىنشە، مەملەكەتتىك تىركەۋ ءنومىرىن ەركىن تاڭداۋ مۇمكىندىگى تۋرالى اقپاراتتىڭ كەڭ تارالۋىنا بايلانىستى ارنايى حقكو-لاردا قىزمەت الۋشىلار سانى ارتقان.
سونىمەن قاتار، بارلىق ارنايى حقكو قالىپتى رەجيمدە جۇمىس ىستەپ جاتقانى، ازاماتتارعا قىزمەت كورسەتۋ ادەتتەگى تارتىپپەن جۇرگىزىلىپ جاتقانى جانە اقپاراتتىق جۇيەلەردە ەشقانداي تەحنيكالىق اقاۋ تىركەلمەگەنى ايتىلدى.