قازاقستان پرەمەر-مينيسترىنىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين 2024 جىلعا قاتىستى قوسىمشا تابىسى تۋرالى كوپشىلىككە اشىق ەسەپ بەردى، - دەپ حابارلايدى aqshamnews.kz ءتىلشىسى.
مالىمەتتەر مينيسترلىكتىڭ سايتىندا جاريالانعان. ەسەپكە سايكەس، جۇمانعارين سالىق دەكلاراسياسىندا 88 678 984 تەڭگە كولەمىندەگى سومانى كورسەتكەن. قۇجاتتا ءمينيستردىڭ جۇبايى دا اتالعان، الايدا ناقتى سوما كورسەتىلمەگەن.
بۇل قانداي اقشا؟
ەسەپتە تەك قوسىمشا تابىس كورسەتىلگەن - ياعني ءمينيستردىڭ جەكە تۇلعا رەتىندە سالىقتى ءوزى تولەيتىن كىرىستەرى. باسقاشا ايتقاندا، بۇل جەردە رەسمي جالاقى ەسكەرىلمەيدى.
جۇمانعارينگە قاتىستى ەسەپتە تابىس باعالى قاعازدار نارىعىنا ينۆەستيسيا سالۋدان تۇسكەنى جازىلعان. دەمەك، ءسوز ديۆيدەندتەر مەن سىياقىلار تۋرالى بولىپ وتىر (مينيستر ولاردى دەكلاراسيادا كورسەتكەن).
مەمقىزمەتكەرلەرگە ارنالعان ەسەپتىلىك جەڭىلدەتىلدى
بۇعان دەيىن مەملەكەتتىك قىزمەت ىستەرى اگەنتتىگى جاريالانۋعا مىندەتتى كىرىس پەن مۇلىك تۋرالى مالىمەتتەردىڭ جاڭا ءتىزىمىن بەكىتكەن. وندا تەك ءۇش باعان قالدىرىلعان:
-
دەكلاراسيا تاپسىرۋشىنىڭ جانە ونىڭ جۇبايىنىڭ تەگى، اتى، اكەسىنىڭ اتى؛
-
ەسەپ بەرىلەتىن سالىق كەزەڭى؛
-
سالىق سالىناتىن كىرىستىڭ جالپى سوماسى.
بۇرىن مەملەكەتتىك قىزمەتشىلەر شوتتارداعى قاراجاتتى (ونىڭ ىشىندە شەتەلدىك بانكتەردەگى)، سونداي-اق مۇلىكتى ساتۋدان تۇسكەن پايدا مەن وزگە كىرىستەردى دە كورسەتۋگە مىندەتتى بولعان.