2024 جىلدىڭ 27 اقپانىندا ق ر كولىك مينيسترلىگى ساعات بەلدەۋىنىڭ وزگەرۋىنە بايلانىستى پويىزدار مەن رەيستەرگە قاتىستى سۇراقتار تۋىنداعان جاعدايدا ازاماتتار حابارلاسا الاتىن نومىرلەردى جاريالادى، دەپ حابارلايدى اlmaty-akshamy.kz.
وسى رەتتە «قازاقستان تەمىر جولى» ۇك» اق كورشىلەس تەمىرجول اكىمشىلىكتەرىمەن بىرلەسە وتىرىپ، جولاۋشىلار پويىزدارىنىڭ قوزعالىس كەستەسىنە وزگەرىستەر ەنگىزۋ بويىنشا شارالاردى قولعا الدى. ۇلتتىق كومپانيانىڭ اقپاراتىنا سايكەس، جولاۋشىلار پويىزدارىنىڭ قوزعالىسىنا قاتىستى بارلىق وزگەرىس رەسمي سايتتار مەن ينتەرنەت-رەسۋرستاردا قولجەتىمدى.
بۇگىنگى تاڭدا تەمىرجول كولىگىمەن جولاۋشىلاردى، باگاجدى، جۇك-باگاجدى جانە پوشتا جونەلتىلىمدەرىن تاسىمالداۋ ەرەجەلەرىنە سايكەس بارلىق جولاۋشىلار پويىزىنا بيلەتتەردى ساتۋ جۇزەگە اسىرىلىپ جاتىر.
سونداي-اق جولاۋشىلاردى ۋاقتىلى حاباردار ەتۋ ءۇشىن قىزمەتكەرلەر اراسىندا ءبىرىڭعاي ۋاقىت بەلدەۋىنە كوشۋ كەزىندە جولاۋشىلاردى اقپاراتتاندىرۋ جانە پوەزداردىڭ ءجۇرۋ ءتارتىبى تۋرالى ءتيىستى نۇسقامالار بەرىلدى.
جولاۋشىلار انىقتامالىق اقپاراتتى 1433 ءنومىرى بويىنشا «جولاۋشىلار تاسىمالى» اق ءبىرىڭعاي انىقتامالىق قىزمەتى ارقىلى نەمەسە @KTZH_PP_BOT Telegram بوتىنىڭ كومەگىمەن تەگىن الا الادى.
ازاماتتىق اۆياسيا سالاسىندا دا ءتيىستى دايىندىق جۇمىستارى جۇرگىزىلىپ جاتىر. اتاپ ايتقاندا، كولىك مينيسترلىگى حالىقارالىق اۋە كولىگى قاۋىمداستىعىمەن (ياتا) بىرلەسە وتىرىپ، ءبىرىڭعاي ۋاقىت بەلدەۋىنە كوشۋ بويىنشا قاجەت جۇمىستاردى جۇرگىزدى. ناتيجەسىندە وتاندىق اۋە كومپانيالارى بيلەتتەردى ساتۋ جۇيەلەرىنە وزگەرىستەر ەنگىزدى. ازاماتتارعا قولايلى جاعداي جاساۋ ماقساتىندا اۋە كومپانيالارى رەسمي سايتتارى مەن الەۋمەتتىك جەلىدەگى پاراقشالارىندا جولاۋشىلارعا بارىنشا اقپاراتتىق قولداۋ كورسەتىپ جاتىر.
وسىلايشا، Air Astana، SCAT جانە Qazaq Air اۋە كومپانيالارى بيلەتتەردى ساتۋ جۇيەسىندە قاجەتتى وزگەرىستەر ەنگىزىپ، جولاۋشىلارعا ءتيىستى حابارلامالار جولداندى. ءوز كەزەگىندە، Fly Arystan اۋە كومپانياسى دا ءبىرىڭعاي ۋاقىت بەلدەۋىنە كوشۋدى ەسكەرە وتىرىپ، رەيستەر كەستەسىنە وزگەرىستەر ەنگىزۋ بويىنشا تەحنيكالىق جۇمىستاردى اياقتادى. جولاۋشىلارعا ناقتى ۇشۋ ۋاقىتى بەلگىلەنگەن بيلەتتى قالاي جۇكتەپ الۋعا بولاتىنى تۋرالى اقپاراتتى كورسەتە وتىرىپ، حابارلامالار جىبەرىلدى.
ايتا كەتەرلىگى، 29 اقپاننان 2 ناۋرىزعا دەيىن قازاقستاننىڭ اۆياسيالىق اكىمشىلىگىنىڭ جەدەل شتابى بازاسىندا 8 7172 798214، 8 7172 798213 نومىرلەرى بويىنشا «جەدەل جەلى» جۇمىس ىستەيتىن بولادى. سونداي-اق رەيس بويىنشا وزەكتى اقپاراتتى ناقتىلاۋ ءۇشىن جولاۋشىلار اۋەجايدىڭ انىقتامالىق قىزمەتتەرى مەن اۋە كومپانيالاردىڭ Call-ورتالىقتارىنا حابارلاسۋى كەرەك:
- Air Astana 8 727 244 44 77، 8 7172 58 44 77، 8 702 702 44 77؛
- FlyArystan 8 727 331 1010 (WhatsApp 8 702 702 0227)؛
- SCAT 8 7252 99 88 80؛
- Qazaq Air 8 727 356 14 14.
ەستەرىڭىزگە سالا كەتەيىك، ق ر ۇكىمەتىنىڭ 2024 جىلعى 19 قاڭتارداعى قاۋلىسىنا سايكەس قازاقستاننىڭ بارلىق اۋماعىندا 5ء-شى ۋاقىت بەلدەۋى قولدانىلاتىن بولادى. وسىلايشا، 2024 جىلعى 29 اقپاننان 1 ناۋرىزعا قاراعان ءتۇنى (ساعات 00:00-دە) جەرگىلىكتى ۋاقىت 1 ساعاتقا شەگەرىلەدى (استانا ق.، الماتى ق.، شىمكەنت ق.، اباي، اقمولا، الماتى، جامبىل، قاراعاندى، قوستاناي، پاۆلودار، سولتۇستىك قازاقستان، تۇركىستان، شىعىس قازاقستان، جەتىسۋ جانە ۇلىتاۋ وبلىستارى).